Lect. AYNURƏ HÜSEYNOVA

       Mən- Hüseynova Aynurə Yadigar qızı 1978-ci ildə noyabr ayının 7-də  Bakı şəhərində anadan olmuşam. 1985-ci ildə Bakı şəhər, Binəqədi  rayonu 126  saylı orta məktəbin  1-ci sinfinə daxil olaraq, 1995-ci ildə həmin məktəbi  bitirmişəm.

      1996-cı ildə  Bakı  Əmtəəşünaslıq  Kommersiya İnstitutunun “İstehlak mallarının ekspertizası” ixtisasına daxil olub, 2001-ci ildə bakalavr, 2004-2006-cı illərdə  isə magistratura səviyyəsini fərqlənmə diplomları ilə bitirmişəm.

      2003-cü ildən “İstehlak mallarının ekspertizası” kafedrasında  laborant ,sonra baş laborant kimi əmək fəaliyyəti göstərmişəm . Həmçinin baş laborant vəzifəsində çalışarkən saat hesabı dərs aparmışam. 2011-ci ildə Azərbaycan Dövlət İqtisad Universitetinin “İstehlak mallarının ekspertizası” kafedrasında müəllim, 2016-cı ildən baş müəllim işləmişəm, 2020-ci ildən hal-hazıradək “Mühəndislik və tətbiqi elmlər “ kafedrasının  baş müəllimi vəzifəsində çalışıram.

Özünüinkişaf istiqamətində çoxlu sayda təlim,seminar və konfranslara qatılaraq sertifikat almışam.

      Ailəliyəm, 2 övladım var.

      Yoldaşım- Hüseynov Samir Asim oğlu 1969-cu ildə Bakı şəhərində anadan olmuşdur.Fərdi sahibkardır.

     Oğlum- Hüseynov Kənan Samir oğlu 1999-cu ildə Bakı şəhərində anadan olmuşdur. “Frutti Agro” şirkətində maliyyə mütəxəssisi vəzifəsində calışır.

   Qızım- Hüseynova Aidə Samir qızı 2004-cü ildə Bakı şəhərində anadan olmuşdur. Abituriyentdir.