“İşğaldan azad olunmuş Qarabağın mədəni tarixi abidələri” mövzusunda onlayn seminar Azərbaycan Dövlət İqtisad Universitetində (UNEC) keçirilib. Tədbirdə Ümumi fənlərin tədrisinin təşkili departamentinin və Humanitar fənlər kafedrasının professor-müəllim heyəti iştirak edib. Seminarda UNEC Multikulturalizm Mərkəzinin rəhbəri professor Məhəbbət Paşayeva “Ermənistan işğalının Qarabağın alban abidələrinə vurduğu zərər: mədəni soyqırımı, tarixin falsifikasiyası” mövzusunda məruzə ilə çıxış edib.