Akademik Məlumat İdarəetmə Sistemi
ADPU-nun mətbəəsi , Baku, 2019
IX əsrdə Ərəb xilafətinin tərkibində olan ölkələrdə azadlıq uğrunda müharibələrin genişlənməsi Abbasilər imperiyasının zəifləməsinə və parçalanmasına səbəb olurdu. IX-XI əsrlərdə Azərbaycan ərazisində də xilafətə tabe olmayan müstəqil feodal dövlətlər yaranmış və fəaliyyət göstərmişdir. Ümumiyyətlə, IX-XIII əsrin əvvəlləri Azərbaycan ərazisində yeni müstəqil feodal dövlətlərin yaranması ilə əlamətdardır. Həmin dövrdə Azərbaycan ərazisində Şirvanşahlar (861-1538), Sacilər (879-941), Salarilər (941-981), Rəvvadilər (981-1054/65), Şəddadilər (971-1088), Atabəylər (1136-1225) dövlətləri mövcud olmuşdur. Həmin dövlətlərin tarixinin, regionda baş vermiş tarixi proseslərin və hadisələrin öyrənilməsi vətən tarixinin çox mühüm məsələlərindəndir. Metodik vəsaitdə IX-XIII əsrin əvvəllərində mövcud olmuş dövlətlərin yaranması, daxili və xarici siyasəti, həmin dövrdə Azərbaycan mədəniyyətinin təkamülü araşdırılmış, təhlil edilmiş və ümumiləşdirilmişdir. Metodik vəsaitdən ali məktəblərin müvafiq kurslarında “Azərbaycan tarixi” fənnindən mühazirə və seminar məşğələlərinin keçirilməsində istifadə edilə bilər.