Akademik Məlumat İdarəetmə Sistemi
Konfrans materialı, vol.100, pp.255-261, 2022 (Conference Book)
“Yaşıl” inkişaf
konsepsiyasının tətbiqinin tərəfdarlarının
fikrinə görə mövcud iqtisadi sistem (“Qəhvəyi” iqtisadiyyat) əsasında inkişaf gələcək
nəsillərin təlabatlarının ödənilməsi baxımından risklər doğurur və resursların səmərəsiz istifadəsinə yol açır.
Əvvəlki model əsasında inkişaf
insanların maddi rifahının yaşılaşdırılması baxımından müəyyən nailiyyətlərin əldə edilməsinə imkan
versə də, həlli böyük səylər tələb edən ciddi problemlər də doğurmuşdur.
Sözügedən konsepsiya əsasında inkişafın
doğurduğu ən böyük və yaxud başqa sözlə desək qlobal problem isə ekoloji
problemdir. Ona görə də “yaşıl” iqtisadi
model əsasında inkişafa ehtiyac
duyulur və bu model cəmiyyətin ətraf mühitlə əlaqəsinə əsaslanır. Belə inkişaf uzunmüddətli dövrdə insanların
maddi rifah halının yaxşılaşmasını təmin etməklə yanaşı, həm də resurslardan səmərəli
istifadəni təmin etməli və sağlam ekoloji mühitin qorunub saxlanılmasına imkan
verməlidir. Məhz resurslardan səmərəli istifadə sayəsində ətraf mühitə
antropogen təsirlər azala və ekoloji tarazlıq qorunub saxlanıla bilər.