“YAŞIL” İQTİSADİYYAT AZƏRBAYCANIN KƏND TƏSƏRRÜFATI SEKTORUNUN İNNOVATİV İNKİŞAFININ ƏSASI KİMİ

Creative Commons License

Sadıqov N.

MÜASİR DÖVRÜN TRENDLƏRİ: “YAŞIL İQTİSADİYYAT VƏ DAYANIQLI İNKİŞAF” İQTİSADİYYAT VƏ SOSİAL ELMLƏR SAHƏSİNDƏ TƏDQİQATÇILARIN I BEYNƏLXALQ KONFRANSI KONFRANS MATERİALLARI , vol.6, pp.389-395, 2024 (Conference Book)

Qısa məlumat

Tədqiqatın predmeti Azərbaycanın kənd təsərrüfatı sektorunda sahibkarlıq fəaliyyəti subyektlərinin innovativ fəaliyyətinin əsası kimi “yaşıl iqtisadiyyat”ın inkişafının nəzəri-praktiki aspektləridir. Tədqiqatın məqsədi yerli və xarici alimlərin tədqiqatları əsasında işğal olunmuş ərazilərimizin azad edilməsindən sonrakı dövrdə bu ərazilərin ölkə iqtisadiyyatına reinteqrasiyası məqsədilə kənd təsərrüfatı sektorunda sahibkarlıq subyektlərinin fəaliyyətində “yaşıl iqtisadiyyat”ın tətbiqi üçün praktiki tövsiyələr hazırlamaqdır. Tədqiqatın vəzifələri sırasına kənd təsərrüfatı üzrə korporativ sektorun subyektərinin fəaliyyətində “yaşıl” texnologiyaların tətbiqi məsələlərinin araşdırılması, indiki şəraitdə “yaşıl” iqtisadiyyatın innovativ texnologiyalarının kənd təsərrüfatına tətbiqində təbii ehtiyatlardan səmərəli istifadə yollarının əsaslandırılması, “yaşıl” texnologiyaların ətraf mühitin mühafizəsinə tətbiqi probleminin mürəkkəbliyi səbəblərinin şərhi, “yaşıl” iqtisadiyyat konsepsiyasına texnoloji yanaşmanın əsaslandırılması “yaşıl” iqtisadiyyatın texnologiyalarının inkişafı və tətbiqinin normativ-hüquqi əsaslarının mövcud vəziyyətinin təhlili, kənd təsərrüfatında “yaşıl” iqtisadiyyatın innovativ texnologiyalarının tətbiqi sahəsində əsas vəzifələri və prioritet istiqamətləri, istehsal fəaliyyətinin ekolojiləşdirilməsi və ona mərhələli keçid üçün strateji planlaşdırmada “yaşıl” iqtisadiyyat prinsiplərinin tətbiqi daxildir. Tədqiqatın aparılması prosesində sistemli yanaşma, iqtisadi-statistik təhlil və sintez, müqayisə, məntiqi ümumiləşdirmə kimi üsullardan istifadə edilmişdir. Tədqiqatın nəticələrindən inzibati-ərazi subyektlərinin kənd ərazilərinin inkişafı üzrə strateji planların işlənib hazırlanmasında istifadə oluna bilər.