Akademik Məlumat İdarəetmə Sistemi
Lecture Note, pp.1-21, 2023
“İxtisasa giriş” fənni - 4 kreditdir.
“İxtisasa giriş” fənninin tədrisində əsas məqsəd tələbələri mühəndislik və elmin əsasları
ilə tanış etmək, sənaye mühəndisliyi sahələrini anlatmaq, bu ixtisasın nəzəri və
praktiki məsələləri haqqında zəruri bilikləri öyrətməkdir. Bu fənn Sənaye mühəndisliyi
ixtisası üzrə bakalavr pilləsində bacarıqlı, işgüzar və savadlı mütəxəssis kimi
mühəndis-kadrların hazırlanması prosesində tədris olunan əsas fənlərdən biridir.
Sənaye mühəndisləri müxtəlif sektorlarda sistemlərin səmərəliliyini artırmağa
çalışır, insan, məhsul və maşınlardan ibarət olan istehsal proseslərini idarə
edir, istehsal va müxtəlif proseslərdə israfçılığı aradan qaldırmaq, məhsuldarlığı
artırmaq üçün çalışırlar.
Fənnin tədrisi qarşısında duran vəzifələr aşağıdakılardır:
·
mühəndislik və sənaye mühəndisliyi elminin
əsasları ilə tanış olmaq;
·
istehsal
sahələrinin təsnifatını bilmək; obyektin necə seçilməsi və planlaşdırılmasını
anlamaq; məhsuldarlıq, iş analizi və erqonomika haqqında əsas anlayışları
bilmək;
·
bu
sahədə tətbiq edilən terminləri anlamaq; keyfiyyət mühəndisliyi, ümumi
keyfiyyət və proses menecmentini anlamaq;
·
əməliyyatların tədqiqi, tələb təxmini istehsal
sistemlərində zamanla baş verən dəyişimləri öyrənmək;
·
istehsalın, onun resurslarının
planlaşdırılmasını anlamaq; stok nəzarəti, tədarük zənciri üsulunu başa düşmək.