Akademik Məlumat İdarəetmə Sistemi
ÜŞETİ-nin elmi əsərləri məcmuəsi, vol.25, no.2, pp.103-108, 2022 (Peer-Reviewed Journal)
Məqalədə konyakın yeni üsulla istehsal prosesi açıqlanmışdır. Əvvəlcə konyakın istehsal sahəsinin meydana gəlməsi, onun prinsipləri, inkişafı və xüsusiyyətləri göstərilmişdir. Sonrakı mərhələdə konyakın yeni üsulla istehsalının əsas prinsipləri qeyd olunmuş, yeni texnologiyanın üstünlükləri verilmiş və ətraflı şəkildə şərh olunmuşdur. Təcrübələr 3 variantda aparılmışdır. İlk dəfə cavan konyak spirti üzərinə ağ tut meyvələri əlavə olunmuş, sabit vaxt ərzində 3 müxtəlif temperatur şəraitində işlənmişdir. İkinci dəfə 2 il dincə qoyulmuş konyak spirti götürülərək, eyni vaxt ərzində yenə 3 müxtəlif temperatur şəraitində işlənmişdir. Üçüncü variantda 3 il dincə qoyulmuş konyak spirti götürülmüş, üzərinə tut meyvəsi əlavə olunaraq eyni 3 müxtəlif temperatur şəraitində işlənmişdir. Hər üç təcrübədən alınan mayelər, çöküntüdən ayrılaraq vahid həcmdə birləşdirilmiş, fiziki-kimyəvi tərkibi müəyyən edilmiş və nəticələr müqayisə olunmuşdur.