Akademik Məlumat İdarəetmə Sistemi
ÜŞETİ-nin elmi əsərləri məcmuəsi, vol.25, no.2, pp.91-102, 2022 (Peer-Reviewed Journal)
Məqalədə Azərbaycan Respublikası ərazisində mürəkkəb geoloji dövr keçən Kiçik Qafqazın şimal-şərq yamacında yerləşən Şəmkir rayonu daxilində üzüm bitkisi altında formalaşmış əkinaltı sahələrdə DBQv - Dağ-boz qəhvəyi (şabalıdı) torpaq tipinin DBQv te - Tam inkişaf etməmiş dağ boz-qəhvəyi (şabalıdı) yarımtip torpaqlarında eroziya prosesinin müasir vəziyyətinin təhlili, onun dinamikasının öyrənilməsi və müqayisəli səciyyəsi təhlil olunmuş, əkinatı torpaqlarının diaqnostik göstəricilərinə və münbitlik parametrlərinə eroziya prosesinin təsiri tədqiq edilmişdir. Məqalədə eyni zamanda tədqiqat sahəsində xarakterik yerlərdə qoyulmuş torpaq kəsimləri müasir metodlarla təhlil edilmiş, kimyəvi analizlər aparılmış və alınan nəticələr riyazi-statistik metodlarla dəqiqləşdirilmişdir. Tədqiqat sahəsində torpaqların eroziyadan mühafizəsini yaxşılaşdırmaq məqsədi ilə azotun, mütəhərrik fosforun və mübadiləvi kaliumun miqdarının üzüm bitkisi altında öyrənilməsi də tədqiq olunmuşdur.