Akademik Məlumat İdarəetmə Sistemi
AMEA-nın Xəbərləri İqtisadiyyat seriyası” jurnalının 2018-6 sayı, Bakı, s.122-133, vol.30, no.1, pp.122-134, 2018 (Peer-Reviewed Journal)
Tədqiqatın əsas məqsədi auditdə iqtisadi təhlil prosedurları sisteminin formalaşması və
inkişafı ilə əlaqədar baş verən proseslərin araşdırılması və təkmilləşdirilməsi istiqamətində
təklif və tövsiyələr verməkdən ibarətdir. Bu məqsədlə məqalədə “Azərsu” ASC-nin timsalında
ümumi mənfəətin təşkilatın pul vəsaitləri, cari aktivləri, cari öhdəlikləri, xüsusi kapitalı və
borc kapitalı arasında asılılığı qiymətləndirmək üçün xətti çox dəyişənli reqressiya və qeyri –
xətti çox dəyişənli reqressiya tipli ekonometrik modellərdən istifadə etməklə ümumi mənfəətin
həmin amillərdən asılılığının reqressiya təhlili verilmişdir. Aparılmış tədqiqat nəticəsində
müəyyən edilmişdir ki, “Azərsu” ASC-də pul vəsaitlərinin, cari aktivlərin və xüsusi kapitalla
ümumi mənfəət arasında mənfi xətti asılılıq, cari öhdəliklərlə ümumi mənfəət arasında isə
müsbət xətti asılılıq mövcuddur. Tədqiqatın məhdudiyyətləri: daha geniş praktik informasiya
tələb edir. Tədqiqatın praktik əhəmiyyəti: uçot və hesabat sahəsində tədqiqatlar aparan
mütəxəssislərin elmi və əməli biliklərinin zənginləşdirilməsində müsbət rol oynaya bilər.
Tədqiqatın elmi yeniliyi və orijinallığı: audit olunan təsərrüfat subyektinin maliyyə
hesabatlarının auditor yoxlamasında və onun keyfiyyətinin yüksəldilməsində ekonometrik
modelləşdirmənin, yəni asılılıqların repressiya tənliklərinin qurulması zəruriliyi
əsaslandırılmışdır.