Akademik Məlumat İdarəetmə Sistemi
Dayanıqlı ətraf mühit: Yaşıl Enerjiyə Keçid, Baku, Azerbaijan, 06 December 2024, pp.123-126, (Full Text)
Azərbaycandilli elmi nəşrlər arasında sahə iqtisadiyyatının konseptual çərçivəsini istifadə edərək dinamik inkişaf etməkdə olan, yaxud da artıq formalaşmış, bəzi hallarda isə əkssənayeləşmiş spesifik sahələrin tədqiqi, sayca çox azdır. Bir çox hallarda yerli iqtisadçı alimlər yüksək dərəcədə aqreqatlaşmış (məcmu) göstəricilərin ekonometrik və riyazi təhlili ilə, ya da ən yaxşı halda təsviri statistikanın köməkliyi ilə hər hansısa xüsusi sahələrin və ya altsahələrin tədqiqini aparırlar. Halbuki, bu trend sistem səviyyəsində baş verən hadisələrlə, element (yaxud da çoxluq, qrup) səviyyəsində baş verən hadisələri bir-birindən fərqləndirməyə və elmi olaraq təhlil etməyə zəruri şərtləri təqdim etmir. Sahə iqtisadiyyatı bir çox məsələdə yeni nəticələr əldə etməyə imkanlar təmin edir. Məsələn, sahə tədqiqatlarının perspektivli istiqaməti klaster birləşmələrinin təhlili və onların innovasiyaların stimullaşdırılmasında rolu ola bilər.