Akademik Məlumat İdarəetmə Sistemi
Statistika Xəbərləri elmi-praktik jurnal., vol.1, pp.49-58, 2021 (Peer-Reviewed Journal)
Məqalədə göstərilmişdir ki, vergi rejimi vergi münasibətlərinin hüquqi tənzimlənməsinin xüsusi bir qaydasıdır, qanunvericilik qaydasında təyin edilir və vergi münasibətlərini reqlamentləşdirir. Bu nöqteyi-nəzərdən vergi rejimi anlayışı bir hüquqi kateqoriya kimi şərh edilmiş, vergi güzəştlərinin iqtisadi mahiyyəti açıqlanmışdır.
Belə ki, vergi rejimləri biznes fəaliyyətini təşviq etməyə, iqtisadi fəaliyyətin müxtəlif sahələrini stimullaşdırmağa, vergi ödəyicisinin vergi inzibatlığı ilə bağlı xərclərini azaltmağa imkan verir. Vergi öhdəliklərini minimuma endirmək üçün qanunla nəzərdə tutulmuş vergi rejimlərindən istifadə sahibkarlıq fəaliyyətinin təşkili üçün vacib amildir.
Məqalədə Azərbaycan Respublikasının vergi qanunvericiliyində və digər qanunlarında nəzərdə tutulmuş müxtəlif vergi rejimləri təsnif edilmiş, onların xarakterik xüsusiyyətləri araşdırılmışdır. Eyni zamanda vergi güzəşti ilə vergi rejimi arasında fərqli cəhətlər müəyyən edilmişdir. Beləliklə, qanunvericilikdə nəzərdə tutulan müxtəlif vergi rejimləri bir tərəfdən vergi ödəyicilərinə vergi öhdəliklərini optimallaşdırmaq imkanı verir, digər tərəfdən isə onların istehsal-təsərrüfat fəaliyyətinin əsas istiqamətlərinin müəyyən edilməsi prosesinə təsir etmək imkanına malik olur.