Kiçik və orta biznes subyektlərində motivasiyanın rolu

Mahmudova V.

VII İqtisadiyyat və İdarəetmə Sahəsində Tədqiqatçıların Beynəlxalq Elmi Konfransı (ISCEMR-2025) “DAİRƏVİ İQTİSADİYYAT VƏ DAYANIQLI EKOSİSTEM”, vol.1098, pp.581-588, 2025 (Conference Book)

Qısa məlumat

Bu araşdırmada kiçik və orta biznesdə (KOB) motivasiyanın rolu və onun müəssisələrin davamlı inkişafına təsiri araşdırılır. Məqalənin məqsədi motivasiya anlayışını nəzəri əsaslarla izah etmək, işçilərin məhsuldarlığını artırmaq üçün effektiv motivasiya üsullarını müəyyənləşdirmək və bu üsulların tətbiqinin biznes nəticələrinə təsirini dəyərləndirməkdir.Araşdırmada analitik və müqayisəli təhlil metodlarından istifadə olunmuşdur.Tədqiqat çərçivəsində Masloun ehtiyaclar iyerarxiyası nəzəriyyəsi, Herzbergin iki faktorlu nəzəriyyəsi və Vroomun gözləntilər nəzəriyyəsi kimi əsas motivasiya modellərinə istinad edilmişdir. Əldə olunan nəticələr göstərir ki, maddi və qeyri-maddi motivasiya amillərinin düzgün birləşməsi işçi məmnunluğunu artırır və əmək məhsuldarlığını yüksəldir.Azərbaycanda KOB sektorunun inkişafı dövlət proqramları çərçivəsində gücləndirilir və bu çərçivədə motivasiya sistemlərinin təkmilləşdirilməsi xüsusi əhəmiyyət kəsb edir. Məqalənin elmi yeniliyi ondan ibarətdir ki, motivasiya anlayışı yalnız fərdi səviyyədə deyil, həm də institusional müstəvidə - dövlət siyasətinin tətbiqi fonunda qiymətləndirilmişdir.Bu yanaşma, mövcud ədəbiyyatda rast gəlinən ənənəvi tədqiqatlardan müəyyən dərəcədə fərqlənərək, KOB-ların idarə edilməsində motivasiyanın strateji rolu ilə bağlı yeni baxış bucaqları təklif edir. Tədqiqatın nəticələri göstərir ki, motivasiya sistemlərinin düzgün tətbiqi kiçik və orta biznes subyektlərində əmək məhsuldarlığının artmasına, kadr sabitliyinin təmin olunmasına və ümumi təşkilati səmərəliliyin yüksəldilməsinə mühüm təsir göstərir. Maddi və qeyri-maddi stimulların balanslı inteqrasiyası işçilərin motivasiya səviyyəsini artırmaqla yanaşı, müəssisənin dayanıqlı inkişafına və rəqabət qabiliyyətinin gücləndirilməsinə töhfə verir.

 

Açar sözlər: İşçilərin motivasiyası, KOB,  əmək məhsuldarlığı, maddi və qeyri-maddi həvəsləndirmə, iqtisadi artım

JEL Kodları:M12,L26,J24