Akademik Məlumat İdarəetmə Sistemi
Axtarışlar, no.4 (54), pp.65-70, 2013 (Peer-Reviewed Journal)
Məqalədə milli identikliyin formalaşması və onun dil-mədəniyyət əlaqəsində təzahür formaları araşdırılır. Müəllif qeyd edir ki, dil milli identikliyin əsas atributu kimi xalqın tarixi yaddaşını, mənəvi dəyərlərini və dünyagörüşünü nəsildən-nəslə ötürür. Mədəniyyət isə dilin semantik və simvolik sisteminə mənəvi məzmun qazandıraraq onu milliləşdirir. Araşdırmada göstərilir ki, dil mədəni kodun qorunmasında həlledici rola malikdir; o, eyni zamanda mədəni kimliyin daşıyıcısı və formalaşdırıcısı funksiyasını yerinə yetirir. Qloballaşma şəraitində dillərin qarşılıqlı təsiri milli identiklik üçün həm imkanlar, həm də risklər yaradır. Bu kontekstdə dil siyasəti, mədəni inteqrasiya və qlobal kommunikasiya faktorlarının milli-mədəni identiklik üzərindəki təsiri təhlil olunur. Nəticə etibarilə, dilin qorunması və inkişafı milli varlığın əsas təminatçısı, mədəni müxtəlifliyin isə davamlılığının əsas şərti kimi qiymətləndirilir.