Assoc. Prof. Akif Məmmədov

Mən, Məmmədov Akif Bəylər oğlu 20.05.1951-ci ildə Ucar rayonunda anadan olmuşam. 1957-1967-ci illərdə orta məktəbdə təhsil almışam. Elə həmin il Bakı şəhərində D.Bünyadzadə adına Azərbaycan Xalq Təsərrüfatı İnstitutuna daxil olmuşam və 1971-ci ildə  həmin institutu fərqlənmə diplomu ilə bitirmişəm və sonra həmin institutun aspiranturasına daxil olmuşam.

1972-1973-cü illərdə hərbi xidmətdə olmuşam. 1974-cü ildən 1995-ci ilə qədər əvvəllər Moskva Kooperativ İnstitutunun Bakı filialı, sonralar isə Azərbaycan Kooperasiya İnstitutuna çevrilən tədris müəssisəsində laborant, assistent, dosent və dekan vəzifələrində çalışmışam.

1983-cü ildə siyasi iqtisad üzrə namizədlik dissertasiyası müdafiə edərək iqtisad eləmləri namizədi elmi dərəcəsi, 1986-cı ildə isə Ali Attestasiya Komissiyasının qərarı ilə dosent  elmi adı almışam.

1996-cı ildən 2005-ci ilə kimi əvvəllər Bakı Dövlət Əmtəəşünaslıq-Kommersiya İnstitutu adlanan ali təhsil müəssisəsində, 2000-ci ildən isə Prezidentin fərmanı ilə yaradılmış Azərbaycan Dövlət İqtisad Universitetində dosent, dekan müavini vəzifələrində çalışmışam.

2005-ci ildən 2015-ci ilə qədər Azrbaycan Dövlət İqtisad Universitetinin “İqtisadi nəzəriyyə-2”, 2015-2022-ci ildə isə adı dəyişdirilərək “Nəzəri və praktiki iqtisadiyyat”, 2022-ci ilin sentyabrından hal-hazıra kimi yeni yaradılan “İqtisadiyyat” kafedasının dosentiyəm.

Ailəliyəm və 2 övladım var.