Lect. Əli Əliyev

     Əli İsmayil oğlu Əliyev 1960-cı il təvəllüdlü, azərbaycanlı. Hal-hazırda Azərbaycan Dövlət   İqtisad Universitetinin “ UNEC Dizayn”  məktəbinin baş müəllimidir.

      Mən, Əli İsmayıl oğlu Əliyev (Əli İsmayıl Əliyev) 1960-ci ildə  anadan olmuşam. 1977-ci  ildə  orta məktəbi bitirərək,   Ə.Əzimzadə adına  Azərbaycan  Dövlət Rəssamlıq  məktəbinə daxil olmuş və oranı  1983-cü ildə  “Bədii tərtbat” (Dizayn) ixtisası üzrə  bitirmişəm.  1978-80-ci illərdə hərbi  xidmətdə  olmuşam.

     1983-cü ildə  M. A. Əliyev adına  Azərbaycan  Dövlət  İncəsənət Universitetinin Rəssamlıq fakültəsinə daxil olmuş, 1989-cu ildə bu ali təhsil ocağını  “ Qrafika”  ixtisası  üzrə  bitirmişəm.

     1989-2003-cü illər ərzində C.Cabbarlı ad. “Azərbaycanfilm” kinostudiyasında- Azərbaycan Animasiya filmləri birliyində quruluşçu rəssam kimi fəaliyyət göstərmiş, bir sıra animasiya filmlərində rəssam, quruluşçu rəssam və rejissor kimi çalışmışam.

     1986-cı ildən etibarən 30-dan çox respublika rəssamlıq, qrafika və dizayn sərgilərndə  iştirak etmişəm.  1989-cu ildən  Rəssamlar  ittifaqı gənclər, 2005- ci ildən  isə Rəssamlar İttifaqının  üzvüyəm.  2002-ci  və 2019- cu illərdə  Bakıda  fərdi yaradıcılıq sərgilərim  keçirilmişdir.  2019-cu ildə ümumi yaradıcılığımı əks etdirən albom nəşr edilmişdir. 2023-cü ildə isə "Abşeron rəssamlıq məktəbi" adlı monoqrafiyam AMEA Memarlıq və İncəsənət institutunun qərarı ilə çap edilmişdir.

       2000-ci ildən dövlət tədbirlərinin dizayn və tərtibat işlərində iştirak edirəm. Müxtəlif illərdə Bakı şəhər meriyası, Azərbaycan Xarici işlər nazirliyi xətti ilə  reklam, dizayn  tərtibatı və siyasi plakat ilə bağlı dövlət tədbirlərində xidmətlərim vardır.

       2009- cu ildən Azərbaycan  Dövlət  İqtisad  Universitetində “UNEC Dizayn məktəbində” müəllim, hal-hazırda baş müəllim kimi calışıram.

      2018- 2021 ci ildə  Bakı Xoreoqrafiya Akademiyasında dissertantura təhsili almışam. Bu müddət ərzində müxtəlif beynəlxalq və ölkə konfraslarında çoxsaylı elmi məqalələrlə çıxış etmişəm. Elmi məqalələrim eyni zamanda nüfuzlu elmi jurnallarda çap olunmuşdur. İndiyə qədər ölkə və xarici ölkələrin elmi jurnallarında çap olunmuş on  yeddi (17) elmi məqalənin, 1 monoqrafiya və 1 albomun  müəllifiyəm.