Adm. Stf. ELÇİN SƏMƏDOV

Səmədov Elçin Ələsgər oğlu, 15 yanvar 1974-cü il tarixdə Bakı şəhərində anadan olmuşam. Bakı şəhəri, N.Axundov adına 1 nömrəli orta ümumtəhsil məktəbini bitirib, 1991-ci ildə Bakı Əmtəəşünaslıq Kommersiya İnstitutuna daxil olmuşam. 1996-cı ildə institutu “Qeyri-ərzaq mallarının əmtəəşünaslığı” ixtisası üzrə bitirmişəm.

1999-cu ildə həmin institutda əyani aspiranturanı (istehsalatdan ayrılmaqla) bitirmiş, 2000-ci ildə “Qeyri-ərzaq malları əmtəəşünaslığı və yüngül sənaye xammalı” ixtisası üzrə  “PVX linoleumlarının istehlak xassələrinin tədqiqi və uzunömürlüyünün proqnozlaşdırılması” mövzusunda namizədlik dissertasiyasını müdafiə edərək texnika elmləri namizədi elmi dərəcəsinə layiq görülmüşəm.

2000-ci ildə Bakı Əmtəəşünaslıq Kommersiya İnstitutunda baş laborant, həmin ildən institutun və Azərbaycan Dövlət İqtisadiyyat İnstitutunun bazasında yaradılmış Azərbaycan Dövlət İqtisad Universitetində ardıcıl olaraq assistent, baş müəllim və dosent vəzifələrində çalışmışam. Hal-hazırda UNEC-in “Mühəndislik və tətbiqi elmlər” kafedrasının 0,5 ştat əvəzçiliklə dosentiyəm.

2001-ci ildən Azərbaycan Dövlət İqtisad Universitetinin əvvəlcə Əmtəəşünaslıq fakültəsində tərbiyə işləri üzrə dekan müavini, ictimai əsaslarla dekan müavini və dekan müavini, 2018-ci ildən Ekspertiza və standartlaşdırma fakültəsində dekan müavini, 2020-ci ildən isə Mühəndislik fakültəsində ictimai əsaslarla dekan vəzifəsini icra etməklə dekan müavini vəzifələrində çalışmışam. 2021-ci ildən Mühəndislik fakültəsinin əvvəlcə dekan əvəzi, sonra dekanı vəzifəsində işləyirəm. 2014-cü ildə dosent elmi adını almışam.

İşləsiyim müddət ərzində 40-dan çox elmi əsərin, o cümlədən dərslik, dərs vəsaiti, məqalələrin və s. müəllifi olmuşam. AR Təhsil Nazirliyinin “Qabaqcıl təhsil işçisi” döş nişanı, AR Təhsil Nazirinin və UNEC-in Fəxri fərmanı ilə təltif olunmuşam.

2011-ci ildən Yeni Azərbaycan Partiyasının üzvüyəm.

Ailəliyəm, iki övladım var.