Assoc. Prof. Qəzənfər Allazov

Qəzənfər Seyfəddin oğlu Allazov 15.02.1949-cu ildə Gürcüstan Respublikasının Bolnisi rayonunun Kolayır kəndində anadan olmuşdur.

1966- cı ildə orta məktəbi bitirmiş və həmin ildə Azərbaycan Xalq Təsərrüfatı İnstitutunu (indiki Azərbaycan Dövlət İqtisad Universiteti) “Sənaye iqtisadiyyatı “fakültəsinə daxil olmuşdur.1970-ci ildə İnstitutu bitirib və həmin ildə təyinatla Azərbaycan Respublikasının Elmlər Akademiyasının İqtisadiyyat İnstitutuna göndərilmüşdür. 03.10 1985-ci ilə kimi burada müxtəlif (baş laborant, kiçik və baş elmi işçi) vəzifələrdə çalışmışdır.

1975-1978-ci illərdə Azərbaycan Respublikasının EA-nın İqtisadiyyat İnstitutunun əyani aspirantı olmuşdur.

1981-ci ildə 08.00.01 (Siyasi- iqtisad ixtisası üzrə ) namizədlik dissertasiyasını müdafiə edərək, iqtisad elmləri namizədlik ali dərəcəsi almışdır.

1994- cü ildə Azərbaycan Respublikası Ali Atesstasiyası tərəfindən dosent elmi adı verilmişdir. 1985-cü ildən Azərbaycan Dövlət İqtisad Universitetinin “İqtisadi- tarix” kafedrasında pedoqoji fəaliyyətə başlamış sonradan  isə “Siyasi- iqtisad” “İqtisadi – nəzəriyyə” 2022- ci ildən isə “Iqtisadiyyat” kafedrasında 0,5 ştat dosent vəzifəzində çalışmışdır. 

  “Klassik burjua siyasi iqtisadının yaranması və  inkişafı”( 1992- ci il)  “Müasir iqtisadi nəzəriyyələr”( 1999- cu il) dərs vəsaitlərinin müəllifi və “İqtisadi- nəzəriyyə”( 2001- ci ) və - “İqtisadi təlimlər tarixi” (2005- ci il) dərsliklərinin həm müəlliflərindən biridr. “İqtisad elminin nəzəri- metodoloji əsaslarının tarixi inkişafı”(2009 – cu il) adlı monoqrafiyanın 50- yə yaxın elmi məqalə və teyzisin və 2012- ci ildə nəşr edilən “Böyük iqtisadi ensklopediyanın” həmmüəlliflərindəndir. Dörd namizədlik dissertasiyasına rəsmi opponentlik etmişdir.

1982- ci ildə içtimai elmlər üzrə keçirilən gənc alimlərin elmi işlərinin Respublika ( Ümumiittifaq çərçivəsində) müsabiqəsinin qalibi olub və diplomla təltif edilmişdir.

 2011- 2020- ci illərdə Təhsil Nazirliyinin “Fəxri fərmanı” ilə təltif edilmişdir.