Assoc. Prof. İLHAM HÜSEYNLİ

     Mən,  İlham Qəşəm oğlu Hüseynli 1965-ci ildə  anadan olmuş, 1973-cü ildə orta məktəbin birinci sinfinə getmiş, 1983-cü ildə Bakı şəhəri 1 nömrəli Fizika-riyaziyyat təmayüllü Respublika internat məktəbini əla qiymətlərlə bitirmişəm.

    Həmin ildə Azərbaycan İnşaat Mühəndisləri İnstituna qəbul edilmiş, 1990-cı ildə bu institutun  “Tikintinin iqtisadiyyatı və təşkili” ixtisasını   fərqlənmə diplomu ilə bitirmiş,həmin ildə Azərbaycan Respublikası Təhsil Nazirliyinin göndərişi əsasında, gənc mütəxəssis olaraq, institutun  Eksperimental Elmi-İstehsalat laboratoriyasının plan istehsalat şöbəsində mühəndis vəzifəsində əmək fəaliyyətinə başlamışam.

    1992-93-cü illərdə Binəqədi İcra Hakimiyyətində Baş İqtisadçı, 1997-ci ildən 2003-cü ilədək Azərbaycan Memarlıq İnşaat Universtetində 0.5 ştat.müəllim vəzifələrində çalışmışam.

  2003-ci ildən Azərbaycan Dövlət İqtisad Universitetinin (UNEC)  “Statistika” kafedrasında  saat hesabı müəllim, 2011-ci ildən isə bu universtetdə müəllim, 2012-ci ildən baş müəllim, 2014-cü ildən  dosent, hazırda isə “Riyaziyyat və statistika” kafedrasında dosent vəzifəsində çalışıram.

  2005-ci ildə “Azərbaycanda orta və kiçik sahibkarlığa investisiya qoyuluşunun statistik tədqiqi” mövzusunda dissertasiya işini müvəffəqiyyətlə müdafiə etmiş və Azərbaycan Respublikası Prezidenti yanında Ali Attestasiya Komissiyasının qərarı ilə 2007-ci ildə “İqtisad elmləri namizədi” elmi dərəcəsi almışam.

    Bu müddətdə tədrislə paralel olaraq elmi tədqiqat və araşdırma fəaliyyəti ilə də ardıcıl olaraq məşğul olmuşam. Bellə ki,  2-si SCOPUS  və Web of science bazasına daxil olan jurnallarda çap edilmiş, 2-si isə SCOPUS bazasına daxil edilən  elmi tədbirlərdə məruzə edilmiş və məruzələr kitabında nəşr edilmiş tam mətn elmi məruzə olan 30-a yaxın elmi əsərin, o cümlədən, 1(bir) monoqrafiya, 1(bir) dərslik, 1(bir) dərs vəsaitinın müəllifi, 2(iki) fənn proqramının isə həmmüəllifiyəm.