Prof. Məhiş Əhmədov

Məhiş A. Əhmədov 1969-cu ildə D. Bünyazdazə adına Xalq Təsərrüfatı  İnstitutunun “Xalq təsərrüfatının planlaşdırılması“ ixtisasını bitirdikdən sonra 1970-1980- cı illərdə AMEA- nın “İqtisadiyyat” institutunda əvvəlcə kiçik elmi işçi sonra isə baş elmi işçi vəzifəsində çalişmışdır.

  1974-cü ildə  namizədlik  dissertasiyasını  müdafiə edərək, iqtisad elmləri namizədi elmi dərəcəsi adını almışdır. 1980-1990-cı illərdə Azərbaycan Dövlət İqtisad Universitetində baş müəllim, 1984-cü ildə isə  dosent adına layiq görülmüşdür.

   Məhiş Əhmədov 1990-1996-cı illərdə “İqtisadi nəzəriyyə” kafedrasının  müdiri vəzifəsində çalışmışdır.. 2005-ci ildə "Qloballaşma şəraitində milli iqtisadiyyatın formalaşmasının nəzəri problemləri" mövzusunda (“Iqtisadi Nəzəriyyə”) müdafiə edərək, iqtisad elmləri doktoru alimlik elmi dərəcəsinə, 2011-ci ildə isə Ali Attestasiya Komisiyasının qərarı ilə  professor adına  layiq görülmüşdür. 2006-2022-ci illər ərzində “İqtisadiyyatın tənzimlənməsi” kafedrasının müdiri, 2022-2023-cü tədris ilindən isə hal-hazıra kimi “İqtisadi və texnoloji elmlər” kafedrasında professor vəzifəsində çalışır.

2006-2008-ci illərdə Azərbaycan Respublikası Prezidenti yanında fəaliyyət göstərən Ali Attestasiya Komissiyasının “İqtisadiyyat və hüquq elmləri üzrə” ekspert şurasının üzvü, 2015-2019- cu illərdə Azərbaycan Respublikası Prezidenti yanında “Bilik” Fondunun “Iqtisadi məsələlər üzrə” ekperti olmuşdur.

      2008-ci ildən hal-hazıra kimi Azərbaycan Dövlət İqtisad Universsitetinin  nəzdində fəaliyyət göstərən İxtisaslaşdırılmış Müdafiə Şurasının üzvü, 2022-2023-ci illlədə isə həmin şurasının sədri olmuşdur.

2015-2021-ci illərdə Azərbaycanda “Elmi tədqiqatların təşkili və əlaqələndirilməsi”nin “İqtisad bölməsi” üzrə Problem Şurasının, 2016-2023- cü illərdə isə universitetin Tədris-Metodiki Şurasının bölmə rəhbəri  olmuşdur. Elmi rəhbər olduğum 15 aspirant müdafiə edərək iqtisad üzrə fəlsəfə doktoru adına layiq görülmüş, hal-hazırda isə  elmlər doktoru proqramı üzrə 3 doktorantın, fəlsəfə doktoru proqramı üzrə  iki aspirantın elmi rəhbəriyəm.

      200-dən çox elmi metodik əsərlərin, o cümlədən 4-ü birgə olmaqla 5 kitabın, habelə, 35 çap vərəqi həcmində olan bir monoqrafiyanın müəllifidir. Eyni zamanda birgə yazılmış 3 dərsliyin, 4 dərs vəsaitinin, 20-dən çox tədris proqramlarının və ölkə daxilində və xaricində (web  of science) çap edilmiş çox saylı məqalələrin, teyzislərin,  müxtəlif illərdə  dövlət orqanlarına Azərbaycanın iqtisadi inkişafının aktual problemlərinə həsr edilmiş 5 təhriri məruzənin müəllifidir.

    Orduda xidmət etdiyim və  əmək fəaliyətim dövründə 1965-ci ildə  SSRİ Ali Sovetinin Rəyasət Heyətinin Fərmanı ilə “Faşist Almaniyası üzərində qələbənin 20 illik yubiley medalı“ilə, 2011-ci ildə “təhsilin inkişafındakı xidmətlərinə görə” Azərbaycan Respublikası Prezidentinin Sərəncamı ilə “Əməkdar Müəllim” fəxri adına, 2015-ci ildə Ali Təhsil Nazirinin əmri ilə “Qabaqçıl ali təhsil işcisi” döş nişanı ilə, Azərbaycan Respublikası Prezidentinin  24 sentyabr 2020-ci il tarixli Sərəncamı ilə Azərbaycan Dövlət İqtisad Universitetinin 90 illiyi və Azərbaycanda təhsilin inkişafındakı xidmətlərinə görə “Şöhrət” ordeni ilə təltif olunmuşam. 1993-cü ildən Yeni Azərbaycan Partiyasının üzvüyəm.

    Bütövlükdə Məhiş Əhmədovun  54-illik elmi pedoqoji, 44-iilk bilavasitə pedoqoji stajı vardır.