Lect. ORXAN ŞİRİNZADƏ

Orxan Oruc oğlu Şirinzadə 2011–2016-cı illərdə Türkiyə Respublikası Sakarya Universitetinin Siyasi Elmlər Fakültəsində Əmək İqtisadiyyatı və Sənaye Əlaqələri ixtisası üzrə bakalavr təhsili almışdır.2019–2021-ci illərdə Karabük Universitetinin Sosial Elmlər İnstitutunda Siyasət və Dövlət İdarəçiliyi ixtisası üzrə magistratura təhsilini tamamlamışdır. 2021-ci ildən etibarən Kütahya Dumlupınar Universitetinin Sosial Elmlər İnstitutunda Beynəlxalq Ticarət və Maliyyə ixtisası üzrə doktorantura təhsilini davam etdirir.

2022-ci ildən Azərbaycan Dövlət İqtisad Universitetinin Türk Dünyası İqtisad Fakültəsinin “İqtisadiyyat və İşlətmə” kafedrasında müəllim vəzifəsində çalışır. Pedaqoji fəaliyyəti çərçivəsində bakalavr pilləsində “Beynəlxalq daşımaların təşkili əməliyyatları”, “Sosial sahələrin iqtisadiyyatı”, “Mədəniyyətlərarası idarəetmə və beynəlxalq danışıqlar” və “Rəqəmsal iqtisadiyyat” fənlərini tədris edir.

Elmi maraq sahələri sosial və humanitar elmləri əhatə edir; xüsusilə sosiologiya, davranış elmləri və siyasi elmlərlə bağlı tədqiqatlara yönəlmişdir. İngilis dili biliyi B1 (orta) səviyyəsindədir.