MD QİSMƏT RÜSTƏMOV

Qismət Elçin oğlu Rüstəmov 1986-cı ildə Bakıda doğulub.  "Odlar Yurdu”, "Xəzər”, “Qafqaz” və “Bakı Slavyan Universitet”lərində müəllim işləyib. DAHA TV-nin təsisçilərindən biridir.  Azərbaycan Respublikasının Prezidenti yanında Ali Attestasiya Komissiyasının 05.06.2025-ci il tarixli qərarı ilə Rüstəmov Qismət Elçin oğluna filologiya elmləri üzrə fəlsəfə doktoru elmi dərəcəsi verilmişdir.

Şeir kitabları

2010-cu ildə “525 kitab” seriyasından “Vitrin“ ;

2011-ci ildə isə “Qanun” nəşrlər evinin  “Ən yeni ədəbiyyat” seriyasından “Meqapolis Hüznləri” adlı şeir kitabları çapdan çıxıb.

2020-ci ildə “Qanun” nəşrlər evində seçmə şeirlərdən ibarət “Qumru əlifbası” adlı kitabı çap edilib

Esselər:

2016-cı ildə Azərbaycan Yaradıcılıq Fondunun Kitabxanası seriyasından “Gələcəyin tarixi” adlı esselər kitabı çap olunub.

Tərcümələr:

2014-cü ildə onun tərcüməsində “Rixard Vaqner. Mənim həyatım” memuarı (Rəqibə Nazimqızı ilə birlikdə);

2016-cı ildə Enrike Vila Matasın “Bartlbi və çevrəsi” romanı (Nicat Məmmədovla birlikdə);

2017-ci ildə Azərbaycan Yaradıcılıq Fondunun kitabxanası seriyasından Vladimir Nabokovun “Rus ədəbiyyatından mühazirələr” ;

2017-ci ildə “Alatoran yayınları”ndan dünya ədəbiyyatdan seçmə esselərin toplandığı  “Ədəbiyyatsız dünya” antologiyası;

2018-ci ildə isə görkəmli Moldova şairi Arkadi Suçevyanunun “Qağayı ilə göndərilən məktub” şeirlər kitabı (Səlim Babullaoğlu ilə birlikdə);

2018-ci ildə TEAS PRESS nəşriyyatında onun tərtibçisi və önsözünü yazdığı “Edqar Podan Etqar Keretə: 32 müəllif 32 hekayə” adlı hekayə antologiyası çapdan çıxıb.

2020-ci ildə “Qanun” nəşriyyatında tərtibçisi olduğu “The Paris review müsahibələri” kitabı çapdan çıxıb.

Mükafatlar:

2011-ci ildə Gürcüstan Yazıçılar Birliyini təsis etdiyi "Vaja Pşavela adına beynəlxalq poeziya mükafatı"na layiq görülüb.

Konfranslar:

2011-ci ildə Moskvada, Peredelkinoda keçirilən Birinci Beynəlxalq Gənc Yazarlar Konfransında iştirak edib.

2012-ci ildə isə Türkiyənin Elazığ şəhərində “Xəzər şeir axşamları” Beynəlxalq Poeziya Festivalında iştirak edib.

2018-ci ildə Moldovada “Avropa şairlər baharı” festivalında iştirak edib.

2024-cü ildə İstanbulda keçirilən, Azərbaycanın fəxri qonaq olduğu "Beynəlxalq kitab yarmarkasın"da iştirak etmişdir.

2025-ci ildə Çin Xalq Respublikasının paytaxtı Pekin şəhərində keçirilən "Çin Beynəlxalq kitab yarmarkası"nda çıxışçı olmuşdur.