Assoc. Prof. Rafiq Sadıqov

 25.11.1975-ci ildə Gədəbəy rayonunda anadan olub.  1993-1997-ci ilərdə Azərbaycan Texniki Universitetinin  “Avtomatika və Hesablama Texnikası” fakültəsində bakalavr, 1997-199-cu illərdə isə həmin fakültədə magistratura təhsili almışdır. 1999-cu  ildə “Avtomatika və Hesablama Texnikası”   fakültəsinin “Sənaye elektronikası” ixtisası üzrə magistratura təhsilini fərqlənmə diplomu ilə bitirmişdir.  2001-2004-cü illərdə Azərbaycan Milli Elmlər Akademiyası, Fizika İnstitutunun aspiranturasında təhsil almışdır.

2003-2004-cü  illərdə  DAAD (Alman Akademik Mübadilə Xidməti) təqaüdçüsü olmuş və Almaniya Federativ Respublikası, Bremen Universitetində elmi-tədqiqat təcrübəsi keçmişdir.

2007-ci ildə  Azərbaycan Milli Elmlər Akademiyasının, Fizika institutunda “01.04.04-fiziki elektronika” ixtisası üzrə namizədlik dissertasiya işini müvəffəqiyyətlə müdafiə edərək,  Azərbaycan Respublikasının Prezidenti yanında Ali Attestasiya Komissiyasının qərarı ilə  fizika-riyaziyyat elmləri namizədi alimlik dərəcəsinə layiq görülmüşdür.

2004-2014-cü Azərbaycan MEA H.M. Abdullayev adına Fizika İnstitutunun, “Epitaksial təbəqələr və strukturlar”  laboratoriyasında elmi işçi, böyük elmi işçi, 2014-cü ildən isə  0,5 ştat böyük elmi vəzifəsində çalışır.  

2014-cü illdən Azərbaycan Texniki dosentidir. 2022-ci ildən “Mühəndislik  və Tətbiqi elmlər” kafedrasında  0.5 ştat əvəzçiliklə dosent vəzifəsində çalışır.

Bir çox  Respublika və Beynəlxalq elmi Konfransların iştirakçısı olmuş, xarici və yerli elmi jurnallarda dərc olunmuş 100 artıq elmi əsərin müəllifidir.