Prof. Rasim Həsənov

 1955 ilin  iyul ayının 9-da   Bərdə  rayonun  Kətəlparaq   kəndində  müəllim     ailəsində   anadan  olmuşdur.  1972  ildə   M. Əzizbəyov  adına  Neft  və  Kimya   instituna  daxil  olaraq, 1977 ildən  Azərbaycan  SSR  Elmlər  Akademiyasının  Kibernetika  institutunda  əmək  fəaliyyətinə  başlamışdır.  1988–ci  ilin  oktabr  ayınadək həmin  institutda  çalışmış, Elmlər  Akademiyasının   Aspiranturasını bitirmiş və  1985-ci  ildə dissertasiya  müdafiə  edərək  iqtisad  elmləri  namizədi  alimlik  elmi  dərəcəsi  almışdır.  1982–1984 illərdə  Marksizm–Leninizm Universitetini  bitirərək  ali  siyasi  təhsil, 1990 ildə  “baş  elmi  işçi “  elmi  adı   almışdır.

1988 -1994 illərdə Azərbaycan  SSR  Dövlət  Plan  Komitəsinin   ETİİ Elmi  katibi   və  1989-cu ildən isə  eyni zamanda, həmin  institutun“Xarici  iqtisadi  əlaqələr”  elmi  şöbəsinin  müdüri  vəzifələrində  çalışmışdır.  1994 ildə   İqtisadiyyat Nazirliyinin  İqtisadi  İslahatlar  Mərkəzinin  direktor  müavini  təyin  olunmuş, 1995-2002 ci illərdə İqtisadi  İslahatlar  Mərkəzinin  direktoru olmuşdur.  1999 – 2001 illərdə, Azərbaycan  respublikası  Nazirlər  kabinetinin  qərarı  ilə  İqtisadiyyat  Nazirliyinin  kollegiyasının  üzvü  olmuşdur.  1998- ci  ildən  Yeni  Azərbaycan  partiyasının  üzvüdür.

2002-2008  illərdə Azərbaycan  Respublikası   Hesablama  Palatasında  şöbə  müdüri  və Aparatın  rəhbəri    vəzifələrində   calışmışdır. Baş dövlət  qulluğu  müşaviridir. 

2009-2015 illərdə ADİU yanında İqtisadi Araşdırmalar Elmi-tədqiqat institunun direktoru vəzifəsində çalışmışdır. Dəfələrlə  Azərbaycan  respublikasının  müxtəlif  nümayəndə  heyyətlərinin   tərkibində, müxtəlif ölkələrdə rəsmi  görüşlər,  o cümlədən elmi konfrans  və  simpoziumlarda  iştirak  etmişdir.

  2003  ildə  iqtisad  elmləri  doktoru  alimlik  dərəcəsi,2010 ildə isə professor elmi adı  almışdır.  250-ədək  elmi  əsərin, o  cümlədən 10  monoqrafiya  və  dərs  vəsaitinin  müəllifi  və  həmmüəllifidir. 80-dan  çox   elmi  əsəri  xarici  ölkələrdə  dərc  olunmuşdur. Onun  elmi  rəhbərliyimlə  indiyədək   17  nəfər  iqtisad  üzrə fəlsəfə doktoru  alimlik  dərəcəsi  almışdır. Hazırda  müxtəlif elmi müəssisələr və universitetlərdə 10    doktorantın  elmi  rəhbəridir. 1985- ci ildən indiyədək  ölkəmizin  bir  sıra  nü­fuz­lu  ali  məktəblərində  əvəzçiliklə  dərs  aparmış, 2006-cı  ildən  isə  Azərbaycan  Dövlət  İqtisad  Uni­ver­­sitetinin  professoru  vəzifəsinə  seçilmişdir. Ölkəmizdə və xaricdə  keçrilmiş  çoxsaylı  elmi  konfrans  və  simpoziumlarda məruzə  ilə  çıxış etmişdir. 1999-2003-cü  illərdə  İqtisad  Əməkdaşlıq  təşkilatında(ЕСО)İqtisadi  tədqiqatlar üzrə Azərbaycanın Milli koordinatoru, AR  DETK yanında “İqtisadiyyat”problem Şurasının Sədr müavıni, 2012-2015-ci illərdə AR TN  Elmi-Metodiki Şurasının İqtisadiyyat bölməsinin sədr müavini, “İqtisadiy­yat və audit”, AMEA  “Xəbərləri (iqtisadiyyat)”, “İqtisad elmləri: nəzəriyyə və praktika”, “Audit”  və “İqtisadi inkişaf“elmi jurnallarının  redaksiya heyətinin üzvü, ADİU- da nəşr olunan “Geoiqtisadiyyat“ jurnalnın baş redaktorun müavini olmuşdur.  2012-ci ildən Moskvada  nəşr olunan Beynəlxalq elmi-iqtisadi“Проблемы экономики и управления нефтега­зо­вым комплексом” jurnalının  redaksiya  şurasının  üzvüdür. 1989-cu ildən indiyədək, Dəfələrlə  müxtəlif Elmi  və İxtisas­laşdırılmış  Müdafiə  Şuralarının  üzvü, 2011-2014 illərdə ADİU yanında İA ETİ nəzdində fəaliyyət göstərən  D.02.052 saylı Dissertasiya  Şurasının  sədri olmuş,  2016- cı ildən indiyədək Azərbaycan Respublikası Prezidenti yanında Ali Attestasiya Komissiyasının İqtisad elmləri üzrə Ekspert Şurasının üzvüdür.

  2011 ilin 26 sentyabrında Azərbaycan Respublikası Prezidentinin sərəncamı ilə  Əməkdar müəllim fəxri adına layiq görülmüşdür. 2010-cu ildən Azərbaycan Beynəlxalq Mühəndis Akademiyasının müxbir üzvüdür. Ailəlidir,  üç  övladı   var. 

    Professor Rasim Həsənovun əsas elmi fəaliyyət istiqamətlərini Azərbaycan iqisadiyyatının və iqtisad elminin aktual prob­lemləri, o cümlədən davamlı, dayanıqlı və tarazlı inkişaf problemləri, milli iqti­sa­di siyasətin for­malaşdırılması, həmçinin makroiqtisadi tənzimləmə və iq­ti­sadi idarəetmə sisteminin təkmilləşdirilməsi, sosial və regional inkişaf problemləri, maliyyə, büdcə-vergi siya­səti və maliyyə nəzarəti mexanizminin təkmilləşdirilməsi, iqtisadi təhlükə­siz­liyin aktual problemləri, Azərbaycan iqtisadiyyatının dünya təsərrüfat siste­minə inteqrasiyası və geoiqtisadi əlaqələrin inkişafı, və s kimi aktual, fundamental və tətbiqi iqtisadi problemlər və məsələlər təşkil edir.

   Daima elmi axtarışlarını nəzəri və təcrübi müstəvilərdə əməli fəaliyyyətlə, o cümlədən dövlət idarəetmə orqanlarında səmərəli fəaaliyyətlə birləşdirən  porofessor R.Həsənov  müstəqillik dövründə milli iqtisadiyyatın ən  aktual problemləri üzrə tədqiqatlarını davam etdirərək, 20- dək  elmi, o cümlədən qrant müsabiqələrində dəfələrlə layihə rəhbəri və iştirakçısı kimi iri  elmi tədqiqat layihələrində iştirak etmişdir.

    Belə layihələrə ilk növbədə:

·     AR DETK  sifarişi ilə yerinə yetirilmiş “Azərbaycan Respublika­sının sosial-iqtisadi inkişafının bazar modelinin konseptual əsasları” (1998 il) ; “Azərbaycan iqtisadiyyatının dövrü inkişaf qanunauyğunluqlqrının tədqiqi” (2000 il);

·     AR İN  sifarişi ilə müsabiqə qalibi kimi, “Azərbaycan Respublikasında regional sosial-iqtisadi inkişaf proq­ram­larının nəticəli­liyi­nin diaqnostikası və regional iqtisadi inkişaf modelinin formalaş­ması” (2012 il); Azərbaycanda aqrar sektorun inkişafının dövlət tərəfindən stimul­laşdırılması mexanizminin qiymətləndirilməsi və onun təkmilləşdiril­məsinə dair təklif və tövsiyələrin hazırlanması” (2014 il);

·     AR Prezidenti yanın­da Elmin İnkişafı Fondu­nun qrant müsabiqəsi qalibi kimi -“Azərbaycanda davamlı inkişafın təmin edilməsində monetar və fiskal siyasət­lərin əlaqə­lən­dirilməsi mexanizminin qiymətləndirilməsi və onun təkmilləşdiril­mə­sinə dair təklif və tövsiyyələrin hazırlanma­sı”(2012 il); "Azərbaycan iqtisadiyyatında davamlı inkişafın sosial   çağırışları  və sosial keyfiyyət mərhələsinə keçid mexanizminin  formalaşdırılması” "Universitet qrantı" məqsədli müsabiqəsi  (2015 il) ;

·     İsveçrənin  Cənubi Qafqaz üzrə inkişaf və Əməkdaşlıq Təşkilatınınqrant layihəsi üzrə "Azərbaycan-2020:Gələcəyə Baxış" inkişaf konsepsiyasının -Azərbaycan iqtisadiy-
yatının rəqabətliliyinin təmin edilməsində struktur islahatlarının istiqamətləri" (2016 il) ;

·     CPPE layihəsi üzrə "Özəlləşdirmə dövlət aktivlərindən istifadənin səmərəliliyinin yüksəldilməsi istiqamətləri" üzrə tədqiqatların aparılmasında icraçı (2016il);

·     Avroasiya Əməkdaşlıq fondunun layihəsi üzrə "Səhmlərinin nəzarət zərfi dövlətə məxsusu olan hüquqi şəxslərin və büdcə təşkilatlarının illik maliyyə hesabatlarının dərc edilmə səviyyəsinin qiymətləndirilməsi"  (2017il) və s. qeyd edilə bilər.

       Professor Rasim Həsənov,  elmi f'aliyyətini hazırda, Beynəlxalq magistratura və doktoranrura Mərkəzi Elmi Şurasını üzvü  və "İqtisadiyyat və idarəetmə" kafedrasının professoru kimi  davam etdirir.  O, eyni zamanda  doktorant və magistranlarla fəal  iş aparır və onların -  iqtisad elminin aktual  nəzəri-metodoloji məsələləri, dayanıqlı və tarazlı inkişaf, milli iqti­sa­di siyasətin o cümlədən, maliyyə və fiskal-monetar siya­sətin for­malaşdırılması problemləri və s. istiqamətlərdə tədqiqatlarını istiqamətləndirir.