Ətraf Mühitin Qlobal Problemləri UNEC Tədqiqat Mərkəzi

Ətraf Mühitin Qlobal Problemləri UNEC Tədqiqat Mərkəzinə Xoş Gəlmisiniz!

Azərbaycan Dövlət İqtisad Universitetinin (UNEC) Ətraf Mühitin Qlobal Problemləri Tədqiqat Mərkəzi müasir dövrün ən vacib çağırışlarından biri olan ekoloji təhlükəsizlik, davamlı inkişaf və iqlim dəyişikliyi ilə bağlı məsələlərin elmi əsaslarla öyrənilməsinə və həll yollarının formalaşdırılmasına yönəlmiş ixtisaslaşmış tədqiqat mərkəzidir.

Mərkəzimizin əsas məqsədi qlobal və regional ekoloji problemlərin iqtisadi, sosial və texnoloji aspektlərini araşdırmaq, ekoloji siyasət və davamlı idarəetmə mexanizmlərinin formalaşdırılmasına elmi dəstək verməkdir. Bu məqsədlə biz multidissiplinar yanaşmalardan, innovativ tədqiqat metodlarından və rəqəmsal analiz alətlərindən istifadə edirik.

Araşdırma sahələrimizə iqlim dəyişikliyi və onun iqtisadi təsirləri, ətraf mühitin çirklənməsi, su və torpaq ehtiyatlarının idarə olunması, bərpa olunan enerji potensialı, yaşıl iqtisadiyyat və dövri iqtisadi model (circular economy) kimi mövzular daxildir.

Mərkəzimiz eyni zamanda gənc tədqiqatçıların və tələbələrin bu sahədə elmi fəaliyyətə cəlb olunmasını, beynəlxalq əməkdaşlıqların qurulmasını və ekoloji düşüncə tərzinin təşviqini prioritet hesab edir. Qlobal trendləri yerli reallıqlarla uzlaşdıraraq, ekoloji dayanıqlılıq üçün elmi əsaslar yaradırıq.

Davamlı gələcək üçün birlikdə düşünək, araşdıraq və hərəkətə keçək!