Haqqında

HAQQIMIZDA: UNEC Ümumdünya Ticarət Təşkilatı Beynəlxalq Tədiqat Mərkəzi Azərbaycan Dövlət İqtisad Universitetinin Elmi Şurasının 12 may 2023-cü il tarixli iclasının 187 №-li Qərarı və UNEC rektorunun 14 iyul 2023-cü il tarixli 521/3/2023 №-li əmrinə əsasən yaranmışdır.

UNEC Ümumdünya Ticarət Təşkilatı üzrə Beynəlxalq Tədqiqat Mərkəzi beynəlxalq ticarət, ÜTT prinsipləri və qlobal iqtisadi əlaqələr sahəsində araşdırmalar aparan elmi platformadır.

Mərkəzin əsas məqsədi – beynəlxalq ticarət, qlobal iqtisadi münasibətlər və ÜTT-nin prinsipləri əsasında Azərbaycan iqtisadiyyatının inkişafına töhfə verəcək elmi tədqiqatlar aparmaq, analitik biliklər yaratmaq və bu sahədə milli və beynəlxalq əməkdaşlığı gücləndirməkdir.

Mərkəz aşağıdakı istiqamətləri əsas götürür:

ÜTT-nin prinsiplərinin və normativ bazasının tədqiqi;

Azərbaycanın ÜTT-yə inteqrasiyası prosesini dəstəkləyən elmi-analitik materialların hazırlanması;

Beynəlxalq ticarət siyasətinə dair aktual məsələlərin araşdırılması;

Akademik tədqiqatların təşkili və nəşrlərin hazırlanması;

Gənc tədqiqatçıların və tələbələrin bu sahədə maarifləndirilməsi və potensialının inkişaf etdirilməsi;

Yerli və xarici tərəfdaşlarla elmi əməkdaşlığın qurulması.