Lect. Səkinə Hüseynova

Mən, Hüseynova Səkinə Yaqub qızı 1960-cı ildə Naxşıvan şəhərində anadan olmuşam. Orta təhsilimi Naxçıvan şəhər 9 saylı orta məktəbdə almışam.

1980-cı ildə D.Bünyadzadə adına Azərbaycan Xalq Təsərrüfatı İnstitutunun “Qeyri-ərzaq malları əmtəəşünaslığı və ticarətin təşkili” ixtisasına daxil olmuş və 1984-cü ildə bitirmişəm.

1994-2000-ci illərdə Bakı Dövlət Əmtəəşünaslıq və Kommersiya İnstitutunun “Kommersiya və idarəetmə” kafedrasında laborant, baş laborant vəzifəsində çalışmışam. 2000-2005-ci illərdə Azərbaycan Dövlət İqtisad Universitetinin “Kommersiya və reklam işi” kafedrasında assistent kimi fəaliyyət göstərmişəm. 2005-2015-ci illərdə Azərbaycan Dövlət İqtisad Universitetinin “Ticarət” kafedrasında, 2016-cı ildə “Ticarət və gömrük işinin təşkili” kafedrasında, hal-hazırda isə “Biznes və logistika” kafedrasında baş  müəllim vəzifəsində çalışıram.

30 noyabr 2011-ci ildə Azərbaycan Dövlət İqtisad Universitetində fəaliyyət göstərən ixtisaslaşmış müdafiə şurasında “Azərbaycan Respublikasında qeyri-ərzaq malları bazarının formalaşması və inkişaf strategiyası” mövzusunda namizədlik dissertasiyasını müvəffəqiyyətlə müdafiə edərək iqtisad üzrə fəlsəfə doktoru alimlik dərəcəsi adını almışam.

Həm bakalavr və həm də magistr təhsil pilləsi üzrə Universitetin müxtəlif fakultələrində kafedrada tədris olunan bir neçə fənn üzrə mühazirə və məşğələ dərsləri aparmışam. 40-dan artıq elmi məqalənin, bir neşə metodik və dərs vəsaitlərinin, tədris proqramlarının həmmüəllifiyəm. Beynəlxalq nüfuzlu elmi jurnallarda da bir neçə məqaləm dərc edilmişdir.

Universitetdə keçirilən təlimlərdə və özünüinkişaf layihələrində fəal iştirak etdiyimə görə müxtəlif sertifikatlar almışam.

Ailəliyəm üç övladım dörd nəvəm var.