Assoc. Prof. SAMİRƏ ŞAMXALOVA

Şamxalova Samirə Oqtay qızı, 19 fevral 1980-ci ildə Bakı şəhərində anadan olub. 1996-cı ildə Binəqədi rayonu 157 saylı on bir illik orta məktəbi bitirmişdir. 1996-cı ildə Bakı Dövlət Əmtəəşünaslıq-Kommersiya institutunun (indiki Azərbaycan Dövlət İqtisad Universitetinin) “Dizayn” fakültəsinə daxil olmuş və həmin fakültəni 2000-ci ildə fərqlənmə diploma ilə bitirərək “Toxuculuq və Yüngül Sənaye mallarının bədii layihələdirilməsi (dizayn)” ixtisası üzrə Bakalavr, 2000-ci ildə isə həmin ixtisas üzrə Magistraturaya daxil olmuş və 2002-ci ildə fərqlənmə diplomu ilə bitirmişdir.

Bundan əlavə 2001-ci ildə BMT-nin İnkişaf Proqramının Təlim və Resurs Mərkəzində “İdarəetmənin əsasları (menecment) kursunu bitirmiş və sertifikat almışdər.

2000-ci ildə 3 ay müddətində Milli Qeyri-Hökümət Təşkilatları Forumunda könüllü olaraq fəaliyyət göstərmiş. 2002-ci ildə Azərbaycan Dövlət İqtisad Universitetində “İdarəetmənin təşkili” (indiki “Biznes və logistika”) kafedrasında böyük laborant, 2006-cı ildən 2016-cı ilin noyabr ayına kimi 0,5 ştat vahidilə müəllim, 2016-ci ilin noyabr ayından 2017-ci ilin sentyabr ayına kimi tam ştat müəllim vəzifəsində, 2017-ci ilin sentyabr ayından 2018-ci ilin sentyabr ayına kimi Beynəlxalq Magistratura və Doktorantura Mərkəzinin “İqtisadiyyat və idarəetmə” (indiki "İqtisadi və texnoloji elmlər") kafedrasında tam ştat müəllim, 2018-2019-cu illərdə baş müəllim, 2019-cu ilin dekabr ayından bu günə kimi həmin kafedrada dosent vəzifəsində çalışır.

2015-cı ilin uyun ayında Azərbaycan Milli Elmlər Akademiyasının İqtisadiyyat İnstitutunun nəzdindəki D.01.181 Dissertasiya  Şurasında 53.1201 – “Sahə iqtisadiyyatı” ixtisası üzrə “Azərbaycanda reklam bazarının inkişaf problemləri” mövzusunda namizədlik dissertasiyasını müdafiə edərək Azərbaycan Respublikası Prezidenti Yanında Ali Attestasiya Komissiyası 19 yanvar 2016-cı il (protokol №2 - k) qərarı ilə iqtisad üzrə fəlsəfə doktoru elmi dərəcəsi adına layiq görülmüşdür.

2016-2018-ci illərdə UNEC-də keyfiyyət elçisi və “Biznes və Menecment” fakültəsinin həmkarlar komitəsinin sədri, 2017-2019-cu illərdə Beynəlxalq Magistratura və Doktorantura Mərkəzinin Elmi Şurasının katibi olaraq, 2019-cu ildən bu günə kimi şuranın üzvü olaraq fəaliyyət göstərmişdir. 16 noyabr 2018-ci ildən Beynəlxalq Magistratura və Doktorantura Mərkəzinin "İqtisadi və texnoloji elmləri" kafedrasında “Biznes və menecment” ixtisasları üzrə proqram rəhbəri olaraq fəaliyyət göstərir. 2023-cü ildən bu günə kimi "İqtisadi və texnoloji elmlər" kafedrasında içtimai əsaslarla kafedra müdirinin müavini vəzifəsində çalışır.

Bundan əlavə 2024-2025ci illərdə UNEC-də 5311.01 - Müəssisənin təşkili və idarə edilməsi" ixtisası üzrə birdəfəlik Dissertasiya Şurası nəzdində elmi seminarın üzvü olub.

2017-ci ildə UNEC-də “Elm aylığı” çərçivəsində professor-müəllim heyəti, doktorant, gənc tədqiqatçı, magistr və tələbələr arasında “Müasir dövrdə Azərbaycanın sosial-iqtisadi inkişafi strateji yol xəritələrinin əsas istiqamətləri konteksində” mövzusunda elmi məqalə müsabiqəsində  “Biznesin inkişafı üzrə innovasiyaların yaradılması və istifadəsinin stimullaşdırılması” mövzusunda yazılmış məqaləm 3-cü yerə layiq görülmüşdür.

Universitet üzrə müəllimlərin differensial əmək haqqı sistemində müəllimlərin reytinq cədvəlində 2015/2016-cı tədris ilində 82-ci yerə, 2017/2018-ci tədris ilində 95-ci yerə,  2020/2021-ci tədris ilində isə 82-ci yerə layiq görülmüşdür.

5 oktyabr 2018-ci il tarixli əmrə əsasən, UNEC-in rektoru, professor Ədalət Muradovun Beynəlxalq Müəllimlər Günü münasibətilə uzun müddətli səmərəli elmi-pedaqoji fəaliyyətlər nəzərə alınaraq UNEC-in “FƏXRI FƏRMANI” ilə təltif olunmuş.

UNEC-in 90 illiyi münasibəti ilə və təhsilin inkişafında xidmətlərinə, yüksək ixtisaslı peşəkar iqtisadçı kadrların hazırlanmasında səmərəli elmi-pedaqoji fəaliyyətinə görə 25 noyabr 2020-ci il tarixli əmrinə əsasən Azərbaycan Respublikasının Təhsil Nazirliyinin "FƏXRI FƏRMANI" ilə təltif olunmuş.

19 iyun 2023-cü ildə UNEC-in yaradılmasının 93 illiyi münasibətilə Universitetin həyatında fəal iştirakına görə UNEC-in rektoru, professor Ədalət Muradov tərəfindən TƏŞƏKKÜRNAMƏ ilə təltif edilmiş.

UNEC-in 95 illiyi münasibəti ilə və yüksək ixtisaslı peşəkar iqtisadçı kadrların hazırlanmasında səmərəli elmi-pedaqoji fəaliyyətinə görə 24 iyul 2023-ci il tarixli əmrinə əsasən Azərbaycan Respublikasının Elm və Təhsil Nazirliyinin "TƏŞƏKKÜRNAMƏ" ilə tətif edilmişdir.