Asst. Prof. SƏNUBƏR QULİYEVA

    Ağdam şəhərində 15 Fevral 1974-cü ildə ziyalı ailəsində  anadan olmuşdur. Orta məktəbi bitirdikdən sonra 1994-1998-cü illərdə Bakı Dövlət Əmtəəşünaslıq Kommersiya institutunun “Ərzaq mallarının əmtəəşünaslığı” fakültəsinin bakalavr təhsil pilləsini fərqlənmə diplomu ilə bitirmişdir.

 1999-2001-ci illərdə Azərbaycan Dövlət İqtisad Universitetinin “İstehlak mallarının keyfiyyət ekspertizası” ixtisası üzrə magistratura pilləsini fərqlənmə diplomu ilə bitirərək elə həmin universitetinin “İstehlak mallarının keyfiyyət ekspertizası” kafedrasında baş laborant kimi əmək fəaliyyətinə başlamışdır.

2001-ci ildən saathesabı dərs aparmışdır. 2011-ci ildə Azərbaycan Dövlət İqtisad Universitetinin “İstehlak mallarıın keyfiyyət ekspertizası” kafedrasında müəllim, 2013-cü ildən baş müəllim vəzifəsində çalışmışdır. 2020-ci ildən isə Azərbaycan Dövlət İqtisad Universitetinin (UNEC) “Mühəndislik və tətbiqi elmlər “kafedrasının baş müəllimidir.

Özünüinkişaf istiqamətində çoxlu sayda təlim, seminar və kurslara qatılaraq   sertifikat, fəxri fərman və təşəkkürnaməyə layiq görülmüşdür.

2012-ci ildən AMEA-nın Zoologiya İnstitutunun dissertanturasına daxil olmuş, 2022-ci ildə  namizədlik dissertasiyasını müdafiə edərək Biologiya elmləri üzrə fəlsəfə doktoru elmi dərəcəsini almışdır.

60-dan çox  elmi-metodiki əsərin (tezis, məqalə, proqram, avtoreferat, dərslik)  müəllif və həmmüəllifidir.

UNEC-in 90 illik yubileyi münasibətilə yüksək ixtisaslı mütəxəssislərin hazırlanmasında göstərdiyi xidmətlərinə görə  Azərbaycan Respublikasının Elm və Təhsil Nazirliyinin  Fəxri Fərmanı ilə  təltif olunmuşdur.

UNEC-in 95 illik yubileyi münasibətilə yüksək ixtisaslı mütəxəssislərin hazırlanmasında göstərdiyi xidmətlərinə görə  Azərbaycan Dövlət İqtisad Universitetinin Fəxri Fərmanı ilə  təltif olunmuşdur. Mühəndislik fakultəsi, həmkarlar təşkilatının “Ekologiya mühəndisliyi” bölməsi üzrə nümayəndəsidir.

YAP üzvüdür.

Ailəlidir. Bir qızı,bir oğlu var.