Assoc. Prof. Sevda Cəfərova

14 fevral 1967-ci ildə Bakı şəhərində anadan olmuşdur.

1974-1984-ci illərdə  Bakı şəhəri Nəsimi rayonu 240 saylı orta məktəbdə təhsil almışdır. Həmin ildə  S.M.Kirov adına Azərbaycan Dövlət Universitetinin (indiki Bakı Dövlət Universiteti) Fizika fakültəsinə daxil olmuş, 1989 -cu ildə universiteti fizikşünas, fizika müəllimi ixtisası üzrə fərqlənmə diplomu ilə bitirmişdir. Həmin ildən AMEA  Fizika İnstitutunun yarımkeçiricilər və dielektriklər fizikası ixtisası üzrə  əyani aspiranturada təhsil almışdır.

1992-ci ildə «Nadir elementlərin ionları ilə aktivləşdirilmiş laylı kristallarda eksitonlar» mövzusunda  dissertasiya işini müdafiə edərək fizika-riyaziyyat elmlər namizədi alimlik dərəcəsi almışdır. Həmin ildən Fizika İnstitutunda kiçik elmi işçi, elmi işçi  və böyük elmi işçi vəzifələrində çalışmışdır.

2002-ci ildən Azərbaycan Dövlət İqtisad Universitetinin «Fizika» kafedrasında baş müəllim işləyib.

2006-cı ilin dekabr ayından müsabiqə yolu ilə dosent vəzifəsinə seçilmişdir.

Hazırda UNEC-in “Mühəndislik və tətbiqi elmlər” kafedrasının dosentidir.

Bir sıra beynəlxalq və respublika səviyyəli konfranslarda və simpoziumlarda elmi məqalələrlə çıxış etmiş və diplomla təltif olunmuşdur.

100-dən artıq elmi məqalənin, 20 tədris vəsaitinin və 1 elmi ixtiranın müəllifidir.

Ailəlidir, iki övladı var.