Assoc. Prof. İLHAM SEYDƏLİYEV

1963-cü ildə İsmayıllı rayonunun Tircan kəndində anadan olmuşdur. 1970-ci ildə Qax şəhərində birinci sinfə getmiş, 1980-ci  ildə orta məktəbi bütün fənlər üzrə əla qiymətlərlə bitirmişdir. Həmin il  Azərbaycan Politexnik İnstitutuna (hazırda Azərbaycan Texniki Universiteti) qəbul olunmuşdur. Ali məktəbdə əla təhsilə və fəal ictimai fəaliyyətinə görə Ç.İldırım adına xüsusi təqaüdə layiq görülmüşdür. 1985-ci ildə  institutu fərqlənmə diplomu ilə bitirmişdir.

1985-2001-ci illərdə  “Ulduz” Elm İstehsalat Birliyin müxtəlif vəzifələrdə, o cümlədən sazlayıcı, usta, sex rəisinin müavini,  nəzarət-ölçü cihazları şöbəsinin rəisi vəzifəsində çalışmışdır.

2001-ci ildən Azərbaycan Dövlət İqtisad Universitetinin “Standartlaşdırma və sertifikasiya” kafedrasında  müəllim, baş müəllimi, dosenti  vəzifələrində işləmişdir. 2007-ci ildə texnika elmləri namizədi alimlik dərəcəsi, 2016-cı ildə dosent elmi adı almışdır. Hazırda həmin universitetin Mühəndislik və tətbiqi elmlər kafedrasının dosentidir. Elmlər doktoru elmi dərəcəsi almaq üçün tədqiqat mövzusu üzərində çalışır.

Elmi-pedaqoji fəaliyyətdə fərqləndiyinə görə universitet rəhbərliyi tərəfindən ona bir neçə dəfə təşəkkür elan edilmişdir. 2020-ci ildə “Azərbaycan Respublikası Təhsil Nazirliyinin Fəxri Fərmanı” ilə təltif olunmuşlar. UNEC differensial əmək haqqı sistemində professor-müəllim heyətinin reytinq cədvəlində müxtəlif illərdə ilk otuzluğa daxil olmusdur.

“Mövlanə Mübadilə Proqramı”nın iştirakçısı kimi 2013-cü ildə Türkiyənin Gazi Universitetinə  ezam olunmuşdur, bakalavr və magistr təhsil pillələrinin dərs proseslərində iştirak etmiş, mühazirələr oxumuşdur.

120-dən çox elmi işin, o cümlədən dərslik, dərs vəsaiti, monoqrafiya, metodik göstəriş və tədrus proqramlarının müəllifidir. Dəfələrlə Beynəlxalq elmi konfranslarda iştirak etmişdir. Müəllifi olduğu elmi məqalələr SCOPUS, Clarivate Analytics (Thomson Reuters), EBSCO Academic Search Complete platformalarına daxil olan jurnallarda nəşr edilmişdir.

Ailəlidir. Üç övladı var