Assoc. Prof. TAMİLLA ABBASOVA

31.12.1961-ci ildə Azərbaycan Respublikasının Bakı şəhərində anadan olmuşdur.

1981-ci ildə D.Bünyadzadə adına Azərbaycan Xalq Təsərrüfatı İnstitutunun (indiki Azərbaycan Dövlət iqtisad Universiteti) “Ticarətin iqtisadiyyatı” fakültəsinə daxil olmuşdur. 1986-cı ildə həmin institutu bitirmişdir.

1994-cü ildən Azərbaycan Maliyyə-İqtisad Kollecində “İqtisadi nəzəriyyə” fənnini tədris etməklə pelaqoji fəaliyyətə başlamışdır.

2003-cü ildə Azərbaycan Dövlət İqtisad Universitetində “İqtisadi nəzəriyyə -2” kafedrasında müəllim, 2013-cü ildə baş müəllim vəzifəsinə təyin olunub. 2015-ci ildə “Nəzəri və praktiki iqtisadiyyat” kafedrasının baş müəllimi, 2022-ci ildən isə “İqtisadiyyat” kafedrasının dosentidir.

2002-ci ildə Azərbaycan Dövlət  İqtisad Universitetinin dissertantura şöbəsinə daxil olmuş, 2010-cu ildə “Bazar iqtisadiyyatı şəraitində makromaliyyə sabitliyi ilə iqtisadi artımın qarşılıqlı əlaqəsi”  mövzusunda namizədlik dissertasiyasını müdafiə edərək iqtisad üzrə fəlsəfə doktoru elmi dərəcəni almışdır.

39 elmi məqalənin müəllifidir, 2 kitabın müəyyən fəsillərinin tərcüməsində iştirak etmişdir.

Ailəlidir, üç övladı var.