Assoc. Prof. Vüqar Nəsibov

Mən – Nəsibov Vüqar Nizami oğlu 2 may 1978 – ci ildə Bakı şəhərində ziyalı ailəsində anadan olmuşam. 1984 – cü ildə Bakı şəhəri Nəsimi rayonu 42 saylı orta məktəbin birinci sinfinə daxil olmuşam. 1994 – cü ildə orta məktəbi bitirib Bakı Dövlət Əmtəəşünaslıq İnstitutunun Qeyri - ərzaq malları əmtəəşünaslığı fakultəsinə qəbul olunmuşam. 1998 – ci ildə institutu fərqlənmə diplomu ilə bitirib, həmin ixtisas üzrə Azərbaycan Dövlət İqtisad Universitetinin magistraturasına daxil olmuşam. 2000 – ci ildə magistraturanı fərqlənmə diplomu ilə bitirmişəm.

Həmin il Elmi Şuranın qərarı ilə Azərbaycan Dövlət İqtisad Universitetinin “Kommersiya” kafedrasında müəllim vəzifəsinə işə götürülmüşəm. 2004 cü ildə baş müəllim vəzifəsinə keçmişəm. 2005-ci ildə isə öz arzum ilə “Menecment” kafedrasına keçmişəm.   

2008–ci ildə “Azərbaycanda keçid şəraitində reklam menecmentinin formalaşması” mövzusunda namizədlik dissertasiyasını müdafiə etmiş və iqtisad elmləri namizədi elmi adını almışam.

2013-ci ildə Azərbaycan Dövlət İqtisad Universitetinin  “Menecment” kafedrasının dosenti seçilmişəm. AAK-sının 8 oktyabr 2016-cı il tarixli qərarı ilə dosent diplomuna layiq görülmüşəm.

35 elmi əsərin müəllifiyəm. Bunlardan 2-si dərslik, biri dərs vəsaiti, biri  monoqrafiya, biri isə metodik göstərişdir.

Hal – hazırda  Azərbaycan Dövlət İqtisad Universitetinin (UNEC) elmlər doktorluğu proqramı üzrə doktorantıyam və “Azərbaycanın reklam bazarında innovativ menecment modellərinin yaradılması problemləri” mövzusunda doktorluq dissertasiyası üzərində işləyirəm.  

Ailəliyəm. 2 övladım var.