Assoc. Prof. VÜSALƏ TEYMUROVA

Teymurova Vüsalə Eybulla qızı 1977-ci ildə Bakı şəhərində anadan olmuşdur.

V.E.Teymurova 1999-cu ildə Azərbaycan Memarlıq və İnşaat Universitetinin bakalavr və 2001-ci ildə  həmin universitetin «Mühəndis iqtisadiyyatı» ixtisası üzrə magistr pilləsini fərqlənmə diplomu ilə bitirmişdir.

 2002 – ci ildən AMEA –nın İqtisadiyyat institutunda  “Statistika” ixtisası üzrə dissertanturaya qəbul olmuşdur. 2007-ci il tarixində “Bazar iqtisadiyyatı şəraitində Azərbaycan Respublikasının büdcə gəlirlərinin formalaşmasının statistik öyrənilməsi və qiymətləndiriılməsı” mövzusunda namizədlik dissertasiyasını müdafiə etmişdir.  İqtisad elmləri namizədidir.

V.E. Teymurova 2003-cü ildən Azərbaycan Dövlət İqtisad Universitetinin «Statistika» kafedrasında müəllim,  baş müəllim vəzifəsində çalışmışdır. 2014-cü ildən «Statistika və ekonometrika»  kafedrasında dosent əvəzi vəzifəsində işləmişdir.  22.07.2019 –cu il tarixindən Ali Attestasiya Komissiyası tərəfindən  ona dosent elmi adı verilmişdir. 2018-ci ildən 2020-ci ilədək «Statistika və ekonometrika»  kafedrasında kafedra müdiri əvəzi vəzifəsində çalışmışdır. 2020-ci ildən hal-hazıradək “Riyaziyyat və statistika” kafedrasında dosent, “Statistika” ixtisası üzrə ixtisas rəhbəri vəzifəsində çalışır.

V.E. Teymurovanın azərbaycan və rus dillərində tədris etdiyi fənlər sırasında Statistika, Ekonometrika, Biznes statistikası, Tətbiqi statistika, Coxölçülü statistik təhlil və sair fənlər yer almışdır. 2013-cü ildə Xüsusi İstedadlar Qruplarında Maliyyə- bank  statistikası, 2015-2017 -ci illərdə UNEC-in SABAH qruplarında Statistika fənnini tədris etmişdir.

V.E. Teymurova əmək fəaliyyəti dövründə Azərbaycan Respublikasının Dövlət İmtahan Mərkəzində espert, müstəqil ekspert kimi çalışmışdır, müxtəlif şirkətlərdə və AR Təhsil Nazirliyi xətti ilə təşkil olunan təlimlərdə təlimçi qismində iştirak etmişdir. 2018-ci ildə Türkiyyənin Sakarya Universitetində Mevlana proqramı çərçivəsində mühazirə dərsləri aparmışdır, hal-hazıradək müxtəlif beynəlxalq və yerli elmi-tədris tədbirlərdə fəal iştirak edir. 2014-2020-ci ilədək İxtisaslaşdırılmış Dissertasiya Müdafiəsi Şuralarının Elmi Seminarının elmi katibi olmuş, 2020-ci ildən hal hazıradək Azərbaycan Dövlət İqtisad Universitetinin nəzdində FD 1.11 Dissertasiya şurasının 5302.01 “Ekonometriya, iqtisadi statistika” ixtisası üzrə Daimi Elmi seminarın üzvüdür.