Assoc. Prof. YUSİF FƏRZƏLİYEV

Yusif Zeyni oğlu Fərzəliyev

Avtobioqrafiya

         Fərzəliyev Yusif Zeyni oğlu 1958-cı il 19 dekabr tarixində Beylaqan (keçmiş Jdanov) rayonunun Şəfəq qəsəbəsində ziyalı ailəsində anadan olub. Azərbaycanlıdır.

         1976-cı ildə Beylaqan şəhər 1 saylı tam orta məktəbini fərqlənmə ilə bitirmişdir.

         1977-79-cu illərdə SSRİ Hərbi Hava Qüvvələri nəzdində fəaliyyət göstərən və SSRİ Kosmonavtlar hazırlayan Ulduz Şəhərciyinə daha çox kosmonavt göndərən (Leonov – açıq kosmos və başqaları 50-yə yaxın) iki dəfə Sovet İttifaqı qəhrəmanı S.İ. Qritsevets  adına Xarkov Ali Hərbi Təyyarəçiləri Məktəbində təhsil almışdır. Sonradan səhhəti ilə bağlı həmin Məktəbdən Xüsusi Məktubla tərxis edilmişdir.

         1980-ci ildə SSRİ Ali və Orta İxtisas Təhsili Nazirliyinin Sərəncamı ilə Akademik Arayışı əsasında imtahansız olaraq Azərbaycan Dövlət Universitetinin (indiki Bakı Dövlət Universiteti) tətbiqi riyaziyyat fakültəsinin birinci kursuna keçirilmişdir və 1985-ci ildə həmin universiteti riyaziyyatçı ixtisası üzrə fərqlənmə diplomu ilə bitirmişdir.

Həmin il  Azərbaycan Elmi-Tədqiat Energetika İnstitutunun Energetika avadanlıqlarının etibarlılığı laboratoriyasına qəbul edilmiş və 2024-cı ilə qədər olan müddətdə mühəndis, kiçik elmi işçi, elmi işçi, aparıcı elmi işçi, baş mütəxəssis, böyük elmi işçi və “İnformasiya texnologiyaları” bölməsinin rəisi vəzifəsində işləmişdir.

2008-ci ildə 05.14.02 şifrli «Elektrik stansiyaları, şəbəkələri, elektroenergetika sistemləri və onların idarə olunması» ixtisası üzrə “İES-İN ENERJİBLOKLARININ ETİBARLILIĞININ HESABLANMASININ DƏQİQLİYİNİN VƏ DÜRÜSTLÜYÜNÜN ARTIRILMASI “ mövzusunda namizədlik dissertasiyasını müdafiə etmişdir.

2016-cı ildə Azərbaycan Respublikası Prezidenti yanında Ali Attestasiya Komissiyası tərəfindən ona dosent elmi adı verilmişdir.

         2024-cü ildə 3341.01 şifrli “Elektrik stansiyaları (elektrik hissəsi) və elektroenergetika sistemləri” üxtisası üzrə

“ENERJİSİSTEMİN ENERJİ AVADANLIQLARININ İSTİSMAR ETİBARLI-LIĞININ AVTOMATLAŞDIRILMIŞ İDARƏ EDİLMƏSİ” mövzusunda doktorluq dissertasiyasını müdafiə edib texnika üzrə elmlər doktoru elmi dərəcəsini almışdır.

Üç böyük (DEPO, ANBAR və ENERGETİKA) avtomatlaşdırılmış informasiya sistemlərinin (məsələnin qoyuluşu, riyazi təminat, alqoritm və proqramlar) müəllifidir.

Amerika, Kanada, Rusiya, Ukrayna, Belarusiyanın aparıcı energetika jurnallarında 100-ə qədər müəllifi və həmmüəllifi olduğu elmi məqalələri var, o cümlədən Web of Science platformasında 3+2, SCOPUS 9 Zentralblatt MATH. 1 məqaləsi çap edilmişdir.

Hazırda Azərbaycan Dövlət İqtisad Universiteti (UNEC) -də bakalavr və magistr pillərində dosent vəzifəsində fəaliyyət göstərir.

Bundan başqa Azərbaycan Respublikasının Prezidenti yanında Ali Attestasiya Komissiyasının Azərbaycan Texniki Universitetinin nəzdində fəaliyyət göstərən ED 2.04 Dissertasiya Şurasının Elmi Seminarının üzvüdür.

Ailəlidir iki övladı var.