Prof. ZABİT ASLANOV

TƏRCÜMEYİ-HAL

Texnika elmləri doktoru, professor Aslanov Zabit Yunus oğlu 23 iyul 1962-ci ildə Şəmkir rayonunun Çaparlı kəndində aşıq Yunus Aslanovun ailəsində anadan olmuşdur. 1979-cu ildə Çaparlı kənd orta məktəbini bitirmişdir. 1980-ci ildə Ç.İldırım adına Politexnik İnstitiutuna daxil olmuş, 1985-ci ildə Azərbaycan Politexnik İnstitutunun “Maşınqayırma” fakültəsini bitirmiş və 1990-cı ilədək təyinatla Azərelektroterm istehsalat birliyində mühəndis-texnoloq vəzifəsində işləmişdir.

            1990-1992-ci illərdə Azərbaycan Texniki Universitetinin aspirantı olmuş, 1992-ci ildə “Двоякопериодические задачи неодниродной термоупругости для массива, ослабленного квадратными полостями” adlı namizədlik dissertasiyası müdafiə etmiş və texnika elmləri namizədi alimlik dərəcəsi almışdır. 1992-2000-ci illərdə Azərbaycan Texniki Universitetinin  “Metrologiya və standartlaşdırma” kafedrasında baş müəllim və dosent vəzifələrində çalışmışdır. 2000-ci ildən Azərbaycan Dövlət İqtisad Universitetinin “Standartlaşdırma və sertifikasiya” kafedrasında dosent vəzifəsində işləmişdir. Azərbaycan Respublikasının Təhsil Naziri Ceyhun Bayramov tərəfindən 2018-ci ildə 3398 №-li əmri ilə Yüksək ixtisaslı kadrların hazırlanmasında səmərəli fəaliyyətinə görə Nazirliyin Fəxri Fərmanı ilə təltif edilmişdir.

            2011-ci ldən 2018-ci ilədək Azərbaycan Dövlət İqtisad Universitetinin “Standartlaşdırma və sertifikasiya” kafedrasında müdir vəzifəsində çalışıb.

            Hal-hazırda “Mühəndislik və tətbiqi elmlər” kafedrasında “Sənaye mühəndisliyi” ixtisasının ixtisas rəhbəri təyin olinmuşdur.

            Z.Y.Aslanov 10 fevral 2016-cı il tarixində Azərbaycan Texniki Universitetinin nəzdindəki birdəfəlik B/D.02.171 saylı İxtisaslaşmış Şurada 3333.01 “İstehsalın təşkili (sahələr üzrə)” ixtisası üzrə “Sistemli yanaşma əsasında maşınqayırma sənaye məhsulunun keyfiyyətinin idarə edilməsi metodlarının işlənməsi” adlı doktorluq dissertasiya işini müdafiə etmişdir.

            O, 265-dən çox elmi-metodik əsərlərin, o cümlədən 12 dərslik, 4 dərs vəsaiti, 2 monoqrafiya, 3 ixtira, 28 proqram və 8 metodiki göstərişin müəllifidir. SCOPUS və Web of Science indeksli jurnallarda 4 məqaləsi dərc olunub. Son 5 ildə 53 elmi-metodiki əsərləri çap olunmuşdur. Elmi əsərləri dünyanın bir çox ölkələrində dərc edilmişdir. O cümlədən, ABŞ-da, Kanadada, Fransada, Almaniyada, Çexiyada, Avstriyada, Britaniyada, İtaliyada, MDB ölkələrindən Moskvada, Sankt-Peterburqda, Kievdə, Belarusiyada, Özbəkistanda, Tacikistanda, Qırğızıstanda və ölkəmizin bütün nüfuzlu jurnallarında elmi əsərləri nəşr olunmuşdur. Beynəlxalq Konfranslarda çıxışlarına görə 25-dən çox sertifikata layiq görülüb.

Ailəlidir, 2 övladı var.