Assoc. Prof. HİCRAN MURADOVA

Mən Muradova Hicran Rafiq qızı 1977-ci il 16 fedvralda Bakı şəhərində anadan olmuşam. 1984-cü ildə Bakı şəhəri 80 saylı orta məktəbin I sinfinə getmiş, 1994-cü ildə isə oranı bitirmişəm.   Daha sonra 1995-cu ildə Ali İctimai-Siyasi Kollecin “Beynəlxalq iqtisadi münasibətlər” ixtisasının “Ümumi iqtisadiyyat” ali peşə istiqaməti üzrə bakalabr pilləsininə daxil olmuş 1999-cu ildə oranı “fərqlənmə” diplomu ilə bitirmişəm. Elə həmin ili Ali İctimai-Siyasi Kollecin “İqtisadiyyat” istiqamətinin “Beynəlxalq iqtisadi münasibətlər” ixtisaslaşması üzrə magistr pilləsinə daxil olmuş, 2001-ci ildə isə  “fərqlənmə” diplomu ilə bitirmişəm.

İş fəaliyyətimə 2001-ci ildə Azərbaycan Dövlət İqtisad İnstitutunun (həmin dövrdə) “İstehsal vasitələrinin marketinqi” kafedrasında laborant kimi əmək fəaliyyətinə başlamışam. Daha sonra baş laborant, 2003-cü ilin fevral ayından isə “Logistika” kafedrasında müəllim vəzifəsində çalışmışam. Pedaqoji fəaliyyətimlə yanaşı elmi işə də maraq göstərmiş və 2016-cı ildə “Aqrar-sənaye müəssisələrində istehsal-satış fəaliyyətinin marketinq idarə edilməsinin təkmilləşdirilməsi istiqamətləri” adlı dissettasiya işimi müdafiə etmiş və 2017-ci ildə Azərbaycan Respublikasının Prezidenti yanında Ali Attestasiya Komissiyasının “Fəlsəfə doktoru” diplomuna layiq görülmüşəm. 2017-ci ildə “Marketinq” kafedrasında “baş müəllim” vəzifəsinə keçmişəm. Kafedraların birləşdirilməsi liə əlaqədar hal-hazırda “Biznesin idarə edilməsi” kafedrasında “baş müəllim” vəzifəsində çalışıram.

İşlədiyim müddət ərzində müxtəlif “Marketinq”, “Logistika”, “Bazar infrastrukturu”, “Ehtiyatların idarə ediməsi” və.c. fənnlərdən mühazirə və seminar dərslərini aparmışam.

Müxtəlif illərdə Respublikada və xarici ölkələrdə 20-yə yaxın elmi məqaləm çap edilib. Eyni zamanda 2 məqaləm “Scopus”  bazasında yer almışdır. Universitet rektorunun əmrinə əsasən buna görə “pul mükafatı” ilə   təltif edilmişəm.

Müdafiə etdikdən sonra 20 dən artıq magistrin elmi rəhbəri olmuş, həmin magistlər də müvəffəqiyyətlə öz elmi işlərini müdafiə etmişdilər.

Pedaqoji fəaliyyətlə yanaşı,  ictimai işlərdə də aktiv iştirak etmişəm. 2016-cı ildən “Biznes və menecment” fakültəsində elmi katib kimi fəaliyyət göstərirəm. Fakültə FHT-nin üzvüyəm. Fakültə İntizam Komissiyasının üzvü və katibiyəm. Mentor fəaliyyətində də yaxından iştirak edirəm. Universitet rektorunun əmrinə əsasən “Keyfiyyət elçisi” kimi fəaliyyət göstərirəm. Pandemiya dövrü ərzində  keyfiyyət elçisi kimi də universitet daxili təlimlərin keçirilməsində, dərslərin monitorinqinin aparılmasında və digər işlərdə yaxından iştirak etmişdir. Onlayn İmtahanların təşkili zamanı subadmin kimi fəaliyyət göstərmiş müəllimlərin proktor kimi ixtisaslaşması üçün təlimlər keçmişdir. Bunanla bağlı da rəhbərlik tərəfindən mükafatlara layiq görülmüşdür. Həmin dövrdə fakültənin də işlərinin operativ və fasiləsiz təşkili üçün lazımi köməkliyimi göstərmişəm.

İşlədiyim müddət ərzində müxtəlif təlim və seminarlarda iştirak etmiş və sertifikatlara layiq görülmüşəm. Belə ki, 2018- ci il 5-9 fevralda UNEC-in Quba tədris, idman və istirahət mərkəzində təşkil olunmuş “Tədris materiallarının keyfiyyətinin yüksəldilməsi və beynəlxalq standartlara uyğunlaşdırılması” mövzusundakı təlimdə iştiraka görə, 2018-ci ildə “Müəllimlər günü” münasibətilə UNEC-də uzunmüddətli səmərəli elmi-pedaqoji fəaliyyətinə görə Fəxri Fərmanla təltif edilmişdir. 2019-cu ildə Beynəlxalq standartlar əsasında hazırlanan sillabus tədrisi ilə bağlı “Marketinq” fənni üzrə təlimdə iştirak etmiş, imtahan vermiş və müvəffəq nəticə əldə etdiyinə görə sertifikata layiq görülmüşdür. 2020-ci ildə UNEC-in 90 illik yubileyi münasibətilə yüksək ixtisaslı mütəxəssislərin hazırlanmasındakı xidmətlərinə görə  Fəxri Fərmanla təltif edilmişdir.  Bununla yanaşı yeni standartlara uyğun olaraq “Yeni məhsulun yaradılması” fənni üzrə İstanbul Universitetinin müəllimləri tərəfindən keçirilən təlimdə iştirak etmiş və yüksək bal almışdır. Keyfiyyət elçilərinə UNEC tərəfindən keçirilən ingilis dili dərslərində də iştirak edərək müvəffəq nəticə göstərmişdir.

Universitet daxili reytinq cədvəli üzrə yaxın 5 il ərzində ümumi 299, kafedra üzrə isə 11-ci yerdə qərarlaşmışam. İşlədiyim müddət ərzində istər fakültə, istər kafedra və istərsə də tələbələr arasında hörmət qazanmışam. Hal-hazırda metodik vəsait üzərində işləyir, elmi-pedaqoji və universitetin ictimai həyatında da fəaliyyətimi davam etdirirəm.

 Ailəliyəm və iki övladım var.