Assoc. Prof. Mirağa Əhmədov

Mirağa Məhərrəm oğlu Əhmədov

12 mart 1969-cu ildə Ağdam rayonunda anadan olmuşdur. 1996-cı ildə Bakı Əmtəəşünaslıq – Kommersiya İnstitutunun “Qeyri ərzaq mallarının əmtəəşünaslığı” ixtisasını fərqlənmə diplomu ilə bitirmişdir. Həmin ildən gənc kadrlara olan ehtiyacı nəzərə alaraq Təhsil Nazirliyinin göndərişi əsasında Bakı Əmtəəşünaslıq – Kommersiya İnstitutunda “Kommersiya və İdarəetmə” kafedrasında assistenti kimi əmək fəaliyyətinə başlamışdır. 2000-ci ildən Azərbaycan Dövlət İqtisad Universitetində həmin kafedrada baş müəllim, hazırda isə “Biznes və logistika” kafedrasında 0,5 ştat dosent vəzifəsində çalışır. 2007-ci ildə namizədlik dissertasiya işini müdafiə etmiş, Azərbaycan Respublikasının Prezidenti yanında Ali Attestasiya  Komissiyasının qərarı ilə iqtisad elmlər namizədi alimlik dərəcəsi almışdır. AMEA-nın “İqtisadiyyat” İnstitutunun doktorantıdır, ilkin müzakirəni keçmiş və müdafiə ərəfəsindədir. 2004 – 2014-cü illərdə “Texnologiya və dizayn” fakültəsində dekan müavini vəzifəsində işləmişdir. 2014-cü ildən Azərbaycan Dövlət İqtisad Universitetinin(UNEC) Kommersiya fakültəsinin dekanı olub. Hazırda “Biznes və menecment” meqa fakültəsinin dekanıdır. 2015-ci ildə ABŞ Dövlət Departamentinin Beynəlxalq Liderlik Proqramında (Ali Təhsilin idarə edilməsi) iştirak edərək Beynəlxalq sertifikata layiq görülüb. Bununla yanaşı bir çox xarici ölkələrin universitetlərinində mübadilə proqramlarının iştirakçısıdır.Pedoqoji fəaliyyətilə yanaşı elmi-tədqiqat işləridə aparır, respublikada və xarici ölkələrdə nəşr olunan jurnallarda məqalələri çap olunmuşdur. Beynəlxalq konfransların məruzəçisi olmuşdur. 60-a yaxın elmi əsərlərin müəllifidir. O cümlədən, dərslik, dərs vəsaiti, monoqrafiya, metodik göstəriş, tədris proqramının, 53 elmi məqalənin (12 xaricdə o, cümlədən ikisi “Thomson Reuters”, “Scopus” bazasına daxil olan jurnalda da çap olunmuşdur) müəllifidir.