UNEC Avrasiya iqtisadiyyatı Beynəlxalq ETM

UNEC Avrasiya İqtisadiyyatı Beynəlxalq Elmi-Tədqiqat Mərkəzinə Xoş Gəlmisiniz!

Qlobal və regional iqtisadi çağırışların getdikcə daha çox qarşılıqlı əlaqəli hala gəldiyi bir dövrdə, Avrasiya məkanında iqtisadi inteqrasiyanın, əməkdaşlığın və dayanıqlı inkişafın elmi əsaslarla təhlili mühüm əhəmiyyət kəsb edir. Bu məqsədlə yaradılmış UNEC Avrasiya İqtisadiyyatı Beynəlxalq Elmi-Tədqiqat Mərkəzi, Avrasiya regionunun iqtisadi potensialını və qarşılıqlı təsir mexanizmlərini tədqiq etmək üçün beynəlxalq miqyasda fəaliyyət göstərən elmi platformadır.

Mərkəzimiz regional iqtisadi əməkdaşlıq modelləri, ticarət və investisiya axınları, enerji təhlükəsizliyi, nəqliyyat-logistika dəhlizləri, eləcə də makroiqtisadi sabitlik və strateji tərəfdaşlıq mövzularında analitik və tətbiqi tədqiqatlar aparır. Eyni zamanda, beynəlxalq təşkilatlar, ali təhsil müəssisələri və elmi-tədqiqat institutları ilə tərəfdaşlıq quraraq ortaq layihələr həyata keçirir.

UNEC Avrasiya İqtisadiyyatı Beynəlxalq ETM olaraq, məqsədimiz Avrasiya regionuna dair dərin elmi biliklərin formalaşdırılması və qərarverici strukturlara elmi əsaslı tövsiyələrin təqdim olunmasıdır.

Fəaliyyətimizə göstərdiyiniz marağa görə təşəkkür edir, sizi mərkəzimizin beynəlxalq təşəbbüsləri, tədqiqat istiqamətləri və elmi əməkdaşlıq imkanları ilə yaxından tanış olmağa dəvət edirik.