UNEC-də III daxili qrant müsabiqəsi 12 - 13 may 2025

Azərbaycan Dövlət İqtisad Universitetində (UNEC) “Azərbaycan 2030: sosial-iqtisadi inkişafa dair milli prioritetlər”in reallaşdırılmasına tədqiqatçıların töhfəsini stimullaşdırmaq məqsədilə daxili qrant müsabiqəsinə layihə qəbulu davam edir.

Qrant müsabiqəsinin şərtləri:

Müsabiqədə AR vergi orqanlarından VÖEN almış, UNEC əməkdaşları, o cümlədən UNEC-də təhsil alanlar (bakalavr, magistrant, doktorant və disertantlar), UNEC-in nəzdində fəaliyyət göstərən Tədqiqat Mərkəzində çalışanlar, eyni zamanda müəyyən edilən şəxslər birləşərək komanda tərkibində müsabiqədə iştirak edə bilərlər.

Layihə təklifləri UNEC-də aparılan elmi-tədqiqat işlərinin dəstəklənməsi və inkişafı baxımından “Daxili qrant müsabiqələrinin keçirilməsi” Qaydalarına əlavə edilmiş formalara uyğun olaraq təqdim olunmalıdır. Müsabiqəyə təqdim olunan layihələr aşağıdakı tələblərə cavab verməlidir:

  • Layihənin dəyəri maksimum 30 (otuz) min manatdır;
  • Layihədə təklif olunan işlər hər hansı qrant və digər mənbələrdən maliyyələşdirilən layihələrin predmeti olmamalıdır;
  • Hər bir iddiaçı müsabiqədə yalnız bir ərizənin iştirakçısı ola  bilər;
  • Bütün layihələr, bir qayda olaraq Azərbaycan dilində, elektron formada (PDF formatda) təqdim edilməlidir.

Təqdim olunan layihələr aşağıdakı istiqamətləri əhatə etməlidir:

  1. Dayanıqlı artan rəqabətqabiliyyətli iqtisadiyyat;
  2. Dinamik, inklüziv və sosial ədalətə əsaslanan cəmiyyət;
  3. Maliyyə bazarı  və real sektorun İnkişafı;
  4. Süni İntellektin iqtisadiyyata,  texnologiya və rəqəmsal əmək bazarına  təsiri;
  5. Ali təhsil müəssisələrinin təhsil-tədqiqat-innovasiya mərkəzlərinə keçidi və rəqabətli insan kapitalı;
  6. İşğaldan azad edilmiş ərazilərdə dayanıqlı məskunlaşma və bu ərazilərin ölkənin iqtisadi fəaliyyətinə reinteqrasiya;
  7. Təmiz ətraf mühit və “yaşıl artım” ölkəsi;  
  8. Yaşıl enerji və dayanıqlı mühəndislik həlləri;
  9. Alternativ və bərpa olunan enerji mənbələri;
  10. Dayanıqlı sistemlər üçün innovativ materialllar və texnologiyalar.

Aşağıda qeyd olunan sənədləri elan olunan tarixdən 12 may 2025-ci il, saat 18.00-dan gec olmayaraq, elektron formada (pdf formatda) unec.qrant@unec.edu.az elektron-poçt ünvanına göndərməlidir:

  1. Ərizə
  2. Şəxsiyyəti təsdiq edən sənədin surəti;
  3. Qrantın mövzusuna uyğun elmi əsərlərin siyahısı;
  4. İş yeri və vəzifəsi (təhsilalanların təhsil adlığı fakültə və ixtisası) barədə arayış;
  5. İddiaçının vergi uçotu haqqında şəhadətnamənin surəti;
  6. Qrant məbləğinin köçürüləcəyi iddiaçının bank hesabı barədə məlumatlar;
  7. Layihə təklif forması;
  8. Layihə üzrə icra planı;
  9. Layihənin xərclər smetası;

Qrant layihələrinin təhlili və qiymətləndirilməsi - “Daxili qrant müsabiqələrinin keçirilməsi” Qaydalarına uyğun olaraq Qrant üzrə Müsabiqə Komissiyası tərəfindən aparılacaqdır.

Əlavə məlumat üçün UNEC Qrant üzrə Müsabiqə Komissiyanın katibliyi ilə əlaqə saxlaya bilərsiniz (Ünvan: Baki şəh., İstiqlaliyyət 6, otaq 124) Məsul şəxs: Vəkil İbrahimov
Əlaqə tel.: (+99412) 492-72-98, (+99412) 492-59-04 (Daxili - 1157)